جينالعان كورەرمەندەر الدىندا قازاقستاننىڭ ەڭبەك سىڭىرگەن قايراتكەرلەرى, «دارىن» مەملەكەتتىك جاستار سىيلىعىنىڭ لاۋرەاتتارى, حالىقارالىق جانە رەسپۋبليكالىق كونكۋرستاردىڭ جەڭىمپازدارى ءسوز سويلەدى.
«بۇگىنگى مەرەكە-ءاربىر قازاقستاندىق ءۇشىن وتە ماڭىزدى جانە مارتەبەلى كۇن. ءبىزدىڭ كونستيتۋتسيا-قازاق حالقىنىڭ تاريحي جەڭىسىن, ارماندارى مەن مۇددەلەرىن زاڭدى تۇردە بەكىتكەن, بۇكىل الەمگە قازاقستان دەپ اتالاتىن ەركىن ەلدىڭ ءومىر ءسۇرۋىن اشقان بەدەلدى قۇجات. ەلوردا تۇرعىندارى مەن قوناقتارىنا تاماشا شىعارماشىلىق كەش سىيلاي العانىمىز ءۇشىن قۋانىشتىمىز. ءبىزدىڭ كونستيتۋتسيامىزعا باعىنىپ, شىندىقتى ايتا الاتىن ۇرپاق ءوسسىن», دەدى قازاقستاننىڭ ەڭبەك سىڭىرگەن قايراتكەرى سۆەتلانا ايتباەۆا.
ساحنادا قازاقستاندا دۇنيەگە كەلگەن ۇزدىك شىعارمالار ورىندالدى. ولاردىڭ قاتارىندا ەۆگەني برۋسيلوۆسكيدىڭ «شاشۋ», نۇرعيسا تىلەنديەۆتىڭ «الاتاۋ», التىنبەك قورازباەۆتىڭ «قازاقستان» جانە ت.ب. شىعارمالار ورىندالدى.
