«بەرەل» قورىق-مۋزەيى مەن شىعىس قازاقستان وبلىستىق تاريحي-ولكەتانۋ مۋزەيى بىرلەسە ۇيىمداستىرعان كورمەگە زايسان جانە تارباعاتاي اۋداندارىنداعى شىلىكتى مەن ەلەكە سازى قورىمدارىنان تابىلعان 400-دەن استام قۇندى جادىگەرلەر قويىلدى. ەڭ قۇندى دەگەن جادىگەرلەردى اتاپ ايتار بولساق, 2003 جىلى «بايگەتوبە» قورىمىنان تابىلعان «التىن ادامنىڭ» زاتتارى, 1960 جىلدارى س. چەرنيكوۆتىڭ جۇرگىزگەن قازباسى كەزىندە تابىلعان جادىگەرلەر, سونداي-اق 2018-2021 جىلدارداعى زەرتتەۋلەر ناتيجەسىندە ەلەكە سازى قورىمدارىنان تابىلعان التىن بۇيىمدار.
«شىلىكتى. پاتشالار القابىنىڭ جاۋھارلارى» كورمەسى مۋزەيلەر اراسىنداعى ارىپتەستىكتى دامىتۋ جانە شىعىس قازاقستان وبلىسىنىڭ تاريحي جەرلەرىن حالىققا كەڭىنەن تانىستىرۋ ماقساتىندا ۇيىمداستىرىلعان.
