ۆەدومستۆو باسشىسى جاڭا جوبانىڭ ماڭىزى مەن ماقساتىن ءتۇسىندىرىپ بەردى.
«بۇل – قازاقستاندا بۇرىن-سوڭدى بولماعان, ءتىپتى الەمدە تەڭدەسى جوق مارافون-بايگە. سونداي-اق بۇل الامان جاي عانا ات جارىسى ەمەس – قازاق حالقىنىڭ سالت-ءداستۇرىن جاڭعىرتاتىن, رۋحىن وياتاتىن, قازاقستاننىڭ باي تابيعاتى مەن تاريحىن زەردەلەيتىن, جاڭا تۋريستىك باعىتتاردى قالىپتاستىراتىن تىڭ جوبا بولماق. بۇل بايگە بولاشاقتا ءوزىمىزدىڭ ات ۇستىندەگى ءداستۇرلى «پاريج داكارىمىز, تۋر دە فرانسىمىز» بولادى دەپ ۇمىتتەنەمىن», دەپ جازدى داۋرەن اباەۆ Facebook-تەگى پاراقشاسىندا.
مارافون 17 قىركۇيەكتە نۇر-سۇلتان قالاسىندا باستالىپ, 29 قىركۇيەكتە تۇركىستاندا اياقتالادى دەپ جوسپارلانىپ وتىر. وعان ەلىمىزدىڭ ءار وڭىرىنەن ءبىر كوماندا قاتىسادى.
باس جۇلدەنىڭ جەڭىمپازى 30 ملن تەڭگە, 2 ورىن يەگەرى – 20 ملن تەڭگە, 3 ورىن ءۇشىن 15 ملن تەڭگە ۇتىپ الادى.
