ددۇ-نىڭ ەپيدەميولوگيالىق ەسەبىنە سايكەس, 15-21 تامىز ارالىعىندا وتكەن اپتامەن سالىستىرعاندا اۋرۋ 21 پايىزعا ازايعان.
«قوعامدىق دەنساۋلىق ساقتاۋدىڭ ءتيىمدى شارالارى مەن ۆاكتسيناتسيانىڭ ارقاسىندا ەۋروپادا ىندەت جۇقتىرۋ باياۋلادى», دەدى ددۇ باس ديرەكتورى تەدروس ادحان گەبرەيەسۋس.
الايدا اقش-تا مايمىل شەشەگىن جۇقتىرۋدىڭ جوعارعى ءوسىمى بايقالادى. سونداي-اق, دۇنيەجۇزىلىك جاعدايلاردىڭ 34 پايىزدان استامى امەريكا قۇراما شتاتتارىندا ەكەنى اتاپ ءوتىلدى.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, بۇگىنگە دەيىن مايمىل شەشەگى 96 ەلدە انىقتالىپ, 41 مىڭنان استام جاعدايى تىركەلگەن.
