ءبىرىنشى جاعدايدا 27 جاستاعى ەر ادام ۇستالدى. ونى جەكە ءتىنتۋ كەزىندە پوليتسەيلەر اق ءتۇستى ۇنتاقتى زات سالىنعان بۋمانى تاركىلەدى.
«قر قك-ءنىڭ 296-بابى 4-بولىگىندە كوزدەلگەن قىلمىس بەلگىلەرى بويىنشا قىلمىستىق ءىس قوزعالدى. ساراپتاما قورىتىندىسىنا سايكەس, بۇل زات – اسا ءىرى مولشەردەگى سينتەتيكالىق ەسىرتكى. بەلگىلى بولعانداي, ۇستالعان ازامات قۇرىلىسشى بولىپ جۇمىس ىستەيدى جانە ەسىرتكىنى «وزىنە» ساتىپ العان. تەرگەۋ بارىسىندا كۇدىكتى ۋاقىتشا ۇستاۋ يزولياتورىنا قامالدى», دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ابىلقايىر.
ال قالانىڭ المالى اۋدانىندا 40 جاستاعى جۇمىسسىز ازامات ۇستالدى. ول ەسىرتكىنى قويىپ كەتۋمەن اينالىسقان.
«جەدەل-ىزدەستىرۋ ءىس-شارالارى بارىسىندا ەسىرتكىنى زاڭسىز ساتىپ الدى جانە ساقتادى دەگەن كۇدىكپەن 40 جاستاعى ج.ەسىمدى ازامات ۇستالدى. جەكە ءتىنتۋ كەزىندە ىشىندە اقشىل ءتۇستى ۇنتاقتى زاتى بار, قارا يزولەنتاعا ورالعان 16 بۋما تابىلدى جانە تاركىلەندى. ساراپتاما تاعايىندالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى», دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.
ۇستالعان ادامنىڭ ايتۋىنشا, بۇل زات ينتەرنەت ارقىلى ساتىپ الىنعان سينتەتيكالىق مەفەدرون ەسىرتكىسى. ول بۋمالاردى مەكەنجايلارعا سايكەس ورنالاستىرۋ كەرەك بولاتىن.
اتالعان دەرەك بويىنشا قر قك-ءنىڭ 296-بابى 2-بولىگىنە سايكەس قىلمىستىق ءىس تىركەلدى.
