ەلوردا • 19 تامىز، 2022

نۇر-سۇلتاندا مەكتەپ سالىناتىن ۋچاسكەلەر بەلگىلەندى

12448 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا مەكتەپ سالىناتىن ورىندار بەلگىلەنگەنىن ءمالىم ەتتى، دەپ حابارلايدى Egemen.kz.

«ەلوردادا مەكتەپ سالۋ ءۇشىن 72 جەر تەلىمى بەلگىلەندى. بۇل جەر ۋچاسكەلەرىنىڭ اۋماعى 120 مىڭ وقۋشى ورنىنا (ەكى اۋىسىمدا 240 مىڭ وقۋشى ورنى) ارنالعان وقۋ ورىندارىن سالۋعا مۇمكىندىك بەرەدى.

اتالعان جەر ۋچاسكەلەرى الەۋمەتتىك نىساندارعا دەگەن قاجەتتىلىكتى ەسكەرە وتىرىپ انىقتالدى. ول قالانىڭ بارلىق اۋدانىندا ورنالاسقان»، دەپ جازدى التاي كولگىنوۆ.پ

ونىڭ ايتۋىنشا، الەۋمەتتىك نىسانداردى سالۋعا ارنالعان جەر ۋچاسكەلەرىنىڭ سانى جىل سايىن ارتىپ كەلەدى. ءاربىر اۋداندا (شاعىن اۋدانداردا) وقۋ ورىندارى بولۋى ءۇشىن ەگجەي-تەگجەيلى جوسپارلاۋ جوباسىنا ارنايى باعىت بەكىتىلدى.

ماسەلەن، ەلوردادا بيىل 11 مەكتەپ سالىنىپ، پايدالانۋعا بەرىلەدى: ەسىل اۋدانىندا – 6 مەكتەپ، الماتى اۋدانىندا – 4 مەكتەپ، سارىارقا اۋدانىندا – تاعى 1 مەكتەپ، بايقوڭىر اۋدانىندا – 1 مەكتەپ (ول 2023 جىلى تاپسىرىلادى). اتالعان ءبىلىم وردالارى ارقىلى 23 مىڭنان استام وقۋشىعا ارنالعان ورىن اشىلادى.

الداعى 2023 جىلى تاعى 13 مەكتەپ سالىپ، پايدالانۋعا بەرۋدى جوسپارلاپ وتىرمىز. وسىلايشا تاعى 22 مىڭعا جۋىق وقۋشى ورنى اشىلادى: ەسىل اۋدانىندا – تاعى 8 مەكتەپ (اۋداندا تۇرعىندار تىعىز ورنالاسقانىن ەسكەرە وتىرىپ)، الماتى اۋدانىندا – 4 مەكتەپ، بايقوڭىر اۋدانىندا – 1 مەكتەپ. سول سياقتى مەكتەپ سانىن ارتتىرۋ، ونىڭ ىشىندە جەكە قاراجات ەسەبىنەن دە كوبەيتۋ ماسەلەسىن قاراستىرامىز.

مەملەكەت باسشىسىنىڭ تاپسىرماسى بويىنشا ەلوردادا 3 جىل ىشىندە 34 مەكتەپ سالىندى. بۇل 70 مىڭ وقۋشى ورنىن اشۋعا مۇمكىندىك بەردى.

سوڭعى جاڭالىقتار

يراندا Skype بۇعاتتالدى

الەم • بۇگىن، 17:20

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار