قازاقستان • 19 تامىز، 2022

بالقاش ماڭىندا جاڭا كۇن ەلەكتر ستانتسياسى سالىندى

12400 رەت كورسەتىلدى

ماۋسىم ايىندا Kaz Green Energy كۇن ەلەكتر ستانتسياسىنىڭ ءبىرىنشى كەزەڭىنىڭ قۇرىلىسى اياقتالدى. قازىر ونىڭ قۋاتتىلىعى 50 مەگاۆاتتى قۇرايدى، دەپ حابارلايدى Egemen.kz.

زاماناۋي فوتوەلەكترلىك پانەلدەردى پايدالانۋ ستانتسيانىڭ اۋدانىن ازايتۋعا مۇمكىندىك بەردى، ال ەكسپەريمەنتتىك روبوتتار ولاردىڭ قىزمەت كورسەتۋىن جەڭىلدەتەدى.

قر ەنەرگەتيكا مينيسترلىگىنىڭ دەرەكتەرى بويىنشا، 2022 جىلدىڭ ءبىرىنشى جارتىجىلدىعىندا جاڭارتىلاتىن ەنەرگيا كوزدەرىندەگى بارلىق ەلەكتر ستانتسيالارىنىڭ بەلگىلەنگەن قۋاتى 2،3 گيگاۆاتتان استى. ونىڭ ىشىندە ەڭ كوپ كولەمى 1،15 گيگاۆاتت قۋاتپەن كۇن ەلەكتر ستانتسيالارىنا تيەسىلى.

ەندى ولارعا ەنەرگوجۇيەنىڭ جاڭا وبەكتىسى - قاراعاندى وبلىسى بالقاش قالاسىنان 10 كم قاشىقتىقتا سالىنعان Kaz Green Energy كومپانياسىنىڭ كۇن ەلەكتر ستانتسياسى قوسىلدى. ءبىرىنشى كەزەڭدە ونىڭ قۋاتى - 50 مەگاۆاتت. ستانتسيا ىسكە قوسىلىپ، ەلدىڭ بىرىڭعاي ەنەرگيا جۇيەسىنە ەلەكتر ەنەرگياسىن جەتكىزە وتىرىپ جۇمىس ىستەپ تۇر.

ستانتسيانىڭ جالپى اۋدانى قازىر 70 گەكتارعا جۋىق، وندا 94 150 فوتوەلەكترلىك پانەل ورنالاسقان. ولاردىڭ ارقايسىسىنىڭ قۋاتى 530 ۆاتت جانە ودان جوعارى.

جاڭا بۋىندى پانەلدەرىنىڭ قۋاتى باسقا قازاقستاندىق ستانتسيالاردا قولدانىلاتىن پانەلدەرگە قاراعاندا ورتا ەسەپپەن ەكى ەسە جوعارى، بۇل ەلەكتر ستانتسياسىنىڭ اۋدانىن ازايتۋعا مۇمكىندىك بەردى.

سونداي-اق كەيبىر پانەلدەردە روبوتتاردىڭ ەكسپەريمەنتتىك ۇلگىلەرى ورناتىلعان، ولار كۇن پانەلدەرىن شاڭنان تازارتادى، بۇل قىزمەتكەرلەردىڭ جۇمىسىن جەڭىلدەتەدى. سونىمەن قاتار جابدىقتى جۋعا ارنالعان ارنايى ماشينا دا ساتىپ الىندى.

جوبا بويىنشا ستانتسيا كۇنىنە ورتاشا ەسەپپەن 295 مىڭ كيلوۆاتت-ساعات ەلەكتر ەنەرگياسىن وندىرەدى، ال جوبا بويىنشا جىلىنا – ءار ءتۇرلى اۋا-رايى جاعدايلارىندا جانە جىل مەزگىلدەرىنە بايلانىستى ءار ءتۇرلى ءوندىرۋدى ەسكەرە وتىرىپ، 79 ملن كيلوۆاتت-ساعاتتان استام ەلەكتر ەنەرگياسىن وندىرەدى.

«بايتەرەك» حولدينگىنىڭ جوبالارمەن جۇمىس جونىندەگى دەپارتامەنتىنىڭ ديرەكتورى اسەت تاجىكەنوۆ Kaz Green Energy سياقتى جوبالاردى قولداۋ ۇلتتىق حولدينگتىڭ باسىمدىقتارىنىڭ ءبىرى ەكەنىن اتاپ ءوتتى.

«جاڭارتىلاتىن ەنەرگيا كوزدەرىن پايدالانۋعا باعىتتالعان «جاسىل» جوبالاردى ىسكە اسىرۋ ءۇشىن حولدينگتىڭ ەنشىلەس ۇيىمدارى جالپى سوماسى 188 ملرد تەڭگەدەن اساتىن 12 ءىرى ينۆەستيتسيالىق جوبانى قولدادى»، دەيدى ول.

ناتيجەسىندە 2021 جىلدىڭ وزىندە قارجىلاندىرىلعان جوبالار 811 ملن كيلوۆاتت-ساعات ەلەكتر ەنەرگياسىن ءوندىرىپ، بيۋدجەتكە 1،5 ملرد تەڭگەگە تولەم جاسادى.

ن

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار