ساياسات • 17 تامىز، 2022

قوس اۋداندا وتكەن ازاماتتىق قابىلداۋ

62 رەت كورسەتىلدى

Amanat پارتياسى تۇركىستان وبلىستىق فراكتسيا مۇشەلەرى جەتىساي مەن ماقتاارال اۋدان­دارىندا ازاماتتاردى قابىلداۋ وتكىزدى. قابىلداۋ كەزىندە جالپى 40-تان استام ازاماتتىڭ ماسەلەسى قارالدى. ازاماتتىق قابىلداۋعا وبلىستىق ءماسليحات حاتشىسى قايرات بالابيەۆ، پارتيانىڭ وبلىستىق فيليالىنىڭ اتقارۋشى حاتشىسى بەيسەن تاجىباەۆ، دەپۋتاتتار نۇرالى ابىشەۆ، تالعات قارجاۋوۆ، تيمۋر قىرىقباەۆ، ۇلجانات جۇرىمبەتوۆا، ويرات ماميروۆ، جەتىساي اۋدانىنىڭ اكىمى مۇرات قادىربەك جانە جاۋاپتى سالا باسشىلارى قاتىستى.

ەكى اۋداندا كوتەرىلگەن ورتاق ءارى ءجيى قايتالانعان ماسەلەلەر – جول سالۋ، مەكتەپ قۇرىلىسىنا قارجى ءبولۋ، اۋىز سۋ جانە گازبەن قامتۋ، جەر داۋى، دارىگەرلىك امبۋلاتوريالاردىڭ تاپشىلىعى سىندى وتىنىشتەر. ماسەلەن، ماشكانال مەن ك-28 كانالدارىنىڭ جاعدايى بويىنشا ارىز-شاعىم بۇعان دەيىن دە قوزعالعان بولاتىن. وسىعان وراي وبلىستىق ءماسليحات دەپۋتاتتارى تاراپىنان پارتيا توراعاسى ە.قوشانوۆقا ۇسىنىس حات جىبەرىلگەن ەدى. تۇرعىندار تاراپىنان جەتىساي قالاسىنداعى يۋ.گاگارين اتىنداعى مەكتەپكە قوسىمشا عيمارات قاجەت دەگەن ماسەلە كوتەرىلدى. 628 ورىنعا ەسەپتەلىپ سالىنعان مەكتەپتە 980 بالا ءبىلىم الۋدا. تۇرعىنداردىڭ ءۋاجى قوسىمشا 300 ورىندىق نىسان سالىپ بەرۋ. بۇل مەكتەپتىڭ جوبالىق-سمەتالىق قۇجاتى دايىن. بيۋدجەتتەن ءتيىستى قارجى قارالسا، تالاپ-تىلەك ورىندالماق.

ال ىنتىماق جالپى ورتا مەك­تەبىنىڭ قوسىمشا عيماراتىنا كۇر­دەلى جوندەۋ جاقىن ارادا جۇر­گىزىلمەك. جوندەۋ جۇمىستارى اياقتال­عانشا وقۋشىلار نەگىزگى عيما­راتتا ەكى اۋىسىم­دا وقيتىن بولادى. وسى سەكىلدى ماقتاارال اۋدانىندا دا ءيىرجار اۋىلدىق وكرۋگىنە قا­راستى ازامات ەلدى مەكەنىندە سالىنىپ جاتقان 200 ورىندىق مەكتەپ قۇرىلىسىن بيىل پايدالانۋعا بەرىلسە دەگەن ۇسىنىس ايتىلدى. مەكتەپ قۇرىلىسى جوسپار بويىنشا اياقتالىپ، 2023 جىلدىڭ 1 قاڭتارىنا دەيىن قولدانىسقا بەرىلەدى.

ال بىرلىك اۋىلدىق وكۋرگىنە قا­راستى وركەنيەت ەلدى مەكەنىندە 200 ورىندىق مەكتەپ قۇرىلىسى ءجۇرىپ جاتىر. وبلىستىق ءماسليحات دەپۋتاتى ب.داۋلەت ۇلى دەپۋتاتتىق ساۋال جولداپ، ماسەلەگە زەردەلەۋ جۇرگىزبەك. جاڭاجول اۋىلدىق وكرۋگىنە قاراستى دوستىق، فيرداۋسي جانە جەڭىس ەلدى مەكەنى ارالىعىنداعى كوپىر سۋ تاسقىنىنان جارامسىز بولىپ قالعان. تۇرعىندار كوپىر قايتا قالپىنا كەلتىرىلسە دەيدى. بۇل بويىنشا اۋدان اكىمى تاراپىنان قاۋلى شىعىپ، ءتيىستى جۇمىستار اتقارىلۋدا.

اۋداندىق ەلدى مەكەندەردەگى دارىگەرلىك امبۋلاتوريا قۇرىلىسى كەزەڭ-كەزەڭىمەن اشىلادى. «اتاكەنت» اۋرۋحاناسىنا قاراستى 4 نىسان، «مىر­زاكەنت» اۋرۋحاناسىنا 4 نىسان جالپى 8 فەلدشەرلىك امبۋلاتوريانىڭ قۇرىلىسىنا اۋداندىق اۋرۋحانا تاراپىنان قۇجاتتار تاپسىرىلعان. قار­­جىلاندىرۋ قولداۋ تاپسا، بۇل ما­­سەلە دە شەشىمىن تاپپاق. ونىڭ ىشىندە قالىبەكوۆ اۋىلدىق وكرۋگىنە قا­راستى تورتكۇل جانە جامبىل ەلدى مە­كەندەرىندەگى جارامسىز نىسانداردى اتاپ وتكەن ءجون. «اۋىلدىق ەلدى مە­كەندەردى جاڭارتۋ» باعدارلاماسى بويىن­شا 2023 جىلعا جوبالىق-سمە­تالىق قۇجاتتاردى دايىنداۋ قولعا الىندى.

ماقتاارالداعى قوعامدىق قابىل­داۋدا بىرلىك اۋىلدىق وكرۋگىنە قاراستى ق.پەرنەباەۆ ەلدى مەكەنى كوشەلەرىنىڭ ساپاسى سىن كوتەرمەيتىنى ايتىلدى. بۇل كوشەلەر 2023-2025 جىلدارعا «اۋىل – ەل بەسىگى» باعدار­لاماسى بويىنشا جوسپارعا ەنگەن.

مۇنان بولەك، الەۋمەتتىك مۇق­تاجدىق بويىنشا ايتىلعان وتىنىشتەر قابىلداۋ كەزىندە شەشىمىن تاپتى. جاڭا وقۋ جىلىنا قارسى مەكتەپكە قاجەتتى قۇرال-جابدىقتار دەپۋتاتتاردىڭ دەمەۋ­شىلىگىمەن وڭ شەشىلدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار