«مەملەكەتتىك كورپوراتسيا سىبايلاس جەمقورلىق قۇقىق بۇزۋشىلىقتاردى جويۋ ساياساتىن ۇستانادى. مەملەكەتتىك كورپوراتسيانىڭ ىشكى قاۋىپسىزدىك باسقارماسى تۇراقتى نەگىزدە ىشكى اۋديت ناتيجەلەرى بويىنشا قىزمەتكەرلەر تاراپىنان زاڭسىز ارەكەتتەردى انىقتايدى. جينالعان بارلىق ماتەريالدى ىشكى قاۋىپسىزدىك دەپارتامەنتى ودان ءارى تەرگەۋ ءۇشىن قۇقىق قورعاۋ ورگاندارىنا تاپسىرادى», دەپ حابارلادى اتالعان كورپوراتسيادان.
مەملەكەتتىك كورپوراتسيانىڭ قوعاممەن بايلانىس جونىندەگى باسقارۋشى ديرەكتورى ناريمان دۇسەكەەۆتىڭ اتاپ وتۋىنشە, 2022 جىلدىڭ 6 ايىندا دەپارتامەنت سىبايلاس جەمقورلىققا قارسى قىزمەت پەن مۇددەلى قۇقىق قورعاۋ ورگاندارىنا كولىك قۇرالدارىن قايتا تىركەۋگە جانە جۇرگىزۋشى كۋالىكتەرىن بەرۋگە قاتىستى زاڭ بۇزۋشىلىقتار تۋرالى 33 حات جولداعان.
«ۇستالعان قىزمەتكەرگە كەلسەك, ونىڭ ارەكەتىنە ۋاكىلەتتى ورگاندار قۇقىقتىق باعا بەرەدى», دەدى ناريمان دۇيسەكەەۆ.
