«جىل باسىنان بەرى قۇرىلىس جۇمىستارىنىڭ كولەمى 8,6%-كە ۇلعايدى, 17 وڭىردە ءوسىم تىركەلگەن. اسىرەسە, قۇرىلىس-مونتاجداۋ جۇمىستارىنىڭ ەڭ جوعارى ءوسۋى الماتى, اقمولا جانە ۇلىتاۋ وبلىستارىندا, شىمكەنت قالاسىندا. ال, قۇرىلىس جۇمىستارى كولەمىنىڭ تومەندەۋى ماڭعىستاۋ, اباي جانە جەتىسۋ وبلىستارىندا بايقالدى», دەدى ۇلتتىق ەكونوميكا ءمينيسترى بۇگىنگى ۇكىمەت وتىرىسىندا.
ونىڭ ايتۋىنشا, قاڭتار-شىلدە ايلارىندا 7,7 ملن شارشى مەتر تۇرعىن ءۇي پايدالانۋعا بەرىلدى, بۇل 2021 جىلعى وسى كەزەڭنەن 0,8%-كە تومەن بولىپ وتىر. وڭ ءوسۋ 14 وڭىردە تىركەلدى. ەڭ جوعارى كورسەتكىشتەر تۇركىستان, پاۆلودار جانە قوستاناي وبلىستارىندا, سونداي-اق شىمكەنت قالاسىندا. ال, تومەندەۋ ۇلىتاۋ, ماڭعىستاۋ, اتىراۋ, جەتىسۋ وبلىستارىندا, سونداي-اق الماتى جانە نۇر-سۇلتان قالالارىندا بايقالدى.
