قوعام • 16 تامىز، 2022

سوعىستا قازا تاپقان قازاقستاندىق جاۋىنگەردىڭ سۇيەگى ەلگە قايتارىلدى

33 رەت كورسەتىلدى

ماسكەۋدە قازاقستاننىڭ رەسەيدەگى ەلشىلىگىندە ۇلى وتان سوعىسى كەزىندە قازا تاپقان قازاقستاندىق جاۋىنگەردىڭ سۇيەگىن تاپسىرۋ ءراسىمى ءوتتى، دەپ حابارلايدى Egemen.kz ەلشىلىكتىڭ رەسمي سايتىنا سىلتەمە جاساپ.

ءىس-شاراعا ەلشىلىكتىڭ ديپلوماتتارى، «Atamnyn Amanaty» قوعامدىق بىرلەستىگىنىڭ، «رەسەي ىزدەۋ قوزعالىسى» ۇيىمىنىڭ، سونداي-اق قازاق دياسپوراسىنىڭ بىرقاتار وكىلى قاتىستى.

جاۋىنگەردىڭ سۇيەگىن 2022 جىلدىڭ 9 شىلدەسىندە لەنينگراد وبلىسىنىڭ توسنەن اۋدانىنداعى «زاسلون» ىزدەۋ توبى تاپتى. جاۋىنگەر مەدالونىندا ساقتالعان بلانكىنىڭ ارقاسىندا جاۋىنگەردىڭ جەكە باسى انىقتالدى. ونىڭ ەسىمى - دۋزباەۆ قالەي. ول 1902 جىلى باتىس قازاقستان وبلىسىندا تۋعان.

رەسەيلىك ىزدەۋشىلەر «Atamnyn Amanaty» قوعامدىق بىرلەستىگىنە حابارلاسىپ، ساربازدىڭ تۋىستارىن ىزدەۋدى سۇراعان. الايدا، جاۋىنگەردىڭ تۋىستارى تابىلمادى. جاقىن ارادا جاۋىنگەردى تۋعان جەرىندە تولىق قۇرمەتپەن قايتا جەرلەۋ جوسپارلانۋدا.

ءوز كەزەگىندە «رەسەي ىزدەۋ قوزعالىسى» ۇيىمىنىڭ وكىلى دميتري فەدوسوۆ قالەي دۇزباەۆتىڭ تۋىستارى ەرتە مە، كەش پە تابىلىپ، بەيىتىن زيارات ەتە الادى دەگەن ءۇمىتىن جانە جاۋىنگەر تاعدىرىنا اتسالىسقانداردىڭ بارلىعىنا العىسىن ءبىلدىردى.

قازاقستاندىق جانە رەسەيلىك ىزدەۋ جاساقتارىنىڭ بىرلەسكەن جۇمىسى ءالى دە جالعاسادى.

سوڭعى جاڭالىقتار

ۇقساس جاڭالىقتار