اتالمىش جۇمىستار مەملەكەتتىك «ارحيۆ-2025» كەشەندى جوسپارىن ىسكە اسىرۋ ماقساتىندا اتقارىلىپ وتىر.
زەرتتەۋشىلەر ەلىمىزدىڭ تاريحىنا قاتىستى جازبا مۇرالار مەن قۇندى قۇجاتتاردى تاپقان. اتاپ ايتقاندا وسمانلى ءارحيۆىنىڭ قورىن زەرتتەۋ بارىسىندا 27 قوردان, 248 ءىس, سۇلەيمانيا مەشىتى مەدرەسەلەرىندە قۇرىلعان كىتاپحانادا 106 توپتامادا 70 مىڭ تومعا تاياۋ جازبا, 120 مىڭ تومداي باسپا ەسكەرتكىشتەر جيناقتالسا, سۇلەيمانيا كىتاپحاناسىندا قازاق جەرىنەن شىققان ورتاعاسىرلىق اۆتورلاردىڭ 19 ەڭبەگى انىقتالىپ, كوشىرمەسى الىندى.
ء«ىس-ساپار كەزىندە تابىلعان قۇندى قولجازبالاردىڭ ءبىرى – XIV عاسىردا التىن ارىپتەرمەن جازىلعان التىن وردا حانى وزبەك حانعا تيەسىلى قۇران. سونىمەن قاتار عىلىمي ءىسساپار بارىسىندا اقىن زەينەل سۇرمەلىنىڭ ۇلى ماحمۋد سۇرمەلى ۇلتتىق ورتالىق قورىنا كوزىنىڭ قاراشىعىنداي ساقتاعان اكەسىنىڭ تۇپنۇسقا قولجازبالارىن, سول زامانداعى بۇكىل الەمدەگى قازاق قاۋىمداستىعىمەن الماسقان حاتتارى مەن ءوزىنىڭ 1500 ولەڭ جولىن رەسمي تۇردە تاپسىردى», دەدى قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى جاندوس بولدىقوۆ.
