قوعام • 15 تامىز، 2022

پەتروپاۆلداعى قالالىق سوتقا «بومبا» قويىلدى

30 رەت كورسەتىلدى

پەتروپاۆلداعى №2 قالالىق سوتىنا جارىلعىش زات قويىلعانى تۋرالى جالعان حابار تارادى، دەپ حابارلايدى Egemen.kz.

سولتۇستىك قازاقستان وبلىستىق سوتى ءباسپاسوز قىزمەتىنىڭ مالىمەتىنشە، بۇگىن ساعات 10:30 شاماسىندا پەتروپاۆلداعى برۋسيلوۆسكي كوشەسى، 60 مەكەن جايىنداعى №2 سوتتىڭ عيماراتىنا جارىلعىش زات قويىلعاندىعى تۋرالى حابار كەلىپ تۇسكەن.

«پەتروپاۆلداعى №2 سوتتىڭ جانە سوت قىزمەتكەرلەرىنىڭ ەلەكتروندى پوشتالارىنا «سوتتاردىڭ عيماراتتارىنا جارىلعىش زاتتاردىڭ قويىلعاندىعى تۋرالى» حابارلاما كەلىپ ءتۇستى. وقيعا ورنىنا جەتكەن پەتروپاۆل قالالىق پوليتسياسىنىڭ جەدەل تەرگەۋ توبى جانە وبلىستىق توتەنشە جاعدايلار دەپارتامەنتىنىڭ قىزمەتكەرلەرى ساعات 10:30-دا №2 قالالىق سوتتىڭ جانە وسى عيماراتتا وتىرعان مامانداندىرىلعان اۋدانارالىق ەكونوميكالىق سوتتىڭ سۋديالارى مەن قىزمەتكەرلەرىن قاۋىپسىز جەرگە ەۆاكۋاتسيالادى. عيماراتتى تەكسەرۋ كەزىندە پوليتسيا قىزمەتكەرلەرى جارىلعىش زاتتى تاپپادى»، دەلىنگەن حابارلامادا.

سوت عيماراتىن تەكسەرۋ جۇمىستارى ساعات 11:20-دا تولىق اياقتالىپ، سوت قىزمەتكەرلەرى جۇمىس ورىندارىنا قايتىپ ورالدى.

سوڭعى جاڭالىقتار

ۇقساس جاڭالىقتار