قوعام • 15 تامىز، 2022

جالعان ديپلوممەن لاۋازىمدى قىزمەتكە ورنالاسقاندار انىقتالدى

66 رەت كورسەتىلدى

شىعىس قازاقستان وبلىسىندا لاۋازىمدى قىزمەتكە جالعان قۇجات ارقىلى ورنالاسقان تۇلعالاردىڭ زاڭسىز ارەكەتى اشكەرەلەندى، دەپ حابارلايدى Egemen.kz.

شقو پروكۋراتۋراسىنىڭ ءباسپاسوز قىزمەتى ءمالىم ەتكەندەي، مەملەكەتتىك ورگانداردىڭ، كاسىپورىنداردىڭ باسشىسى لاۋازىمىنا جانە قىزمەتكەرلەرىن تاعايىنداۋ ءتارتىبىنىڭ زاڭدىلىعىن تەكسەرۋ بارىسىندا جوعارى ءبىلىم تۋرالى جالعان ديپلوم ۇسىنۋدىڭ 3 فاكتىسى انىقتالدى.

«اتاپ ايتقاندا، «سۋ كانالى» مەملەكەتتىك كاسىپورىننىڭ باسشىسى جانە ريددەر قالالىق مادەنيەت ءۇيىنىڭ باس ەسەپشىسى لاۋازىمدارىنا، ريددەر قالاسىنىڭ ىشكى ساياسات بولىمىنە ستاتيست قىزمەتىنە جۇمىسقا قابىلداۋدا جالعان قۇجاتتار ۇسىنىلعان. ءبىلىم بەرۋ ۇيىمدارى وسى ديپلومداردىڭ اتالعان ازاماتتارعا بەرىلمەگەنىن راستادى»، دەلىنگەن اقپاراتتا.

اتالعان فاكتىلەر پروكۋراتۋرادا تىركەلىپ، ءتيىستى ماتەريالدار ريددەر قالاسىنىڭ پوليتسيا بولىمىنە جولداندى.

قازىر قر قك-ءنىڭ 385 بابى 3 بولىگى (كورىنەۋ جالعان قۇجاتتى پايدالانۋ) بويىنشا سوتقا دەيىنگى تەرگەۋ امالدارى باستالدى.

سوڭعى جاڭالىقتار

ۇقساس جاڭالىقتار