«قۇرىلىس سالاسىنىڭ قىزمەتكەرلەرىن كاسىبي مەرەكەسىمەن قۇتتىقتايمىن!
جان-جاعىمىزدا تۇرعان كوز سۇيسىنەر عيماراتتار, ۇيلەر, مەكتەپتەر, اۋرۋحانالار, ساۋلەت نىساندارى – وسىنىڭ ءبارى قۇرىلىسشىلاردىڭ ەڭبەگى! ولاردىڭ توقتاۋسىز جانە كۇندەلىكتى ەڭبەگىنىڭ ارقاسىندا ءبىر كەزدەگى شاعىن قالا وركەندەگەن ەلورداعا اينالدى. قالا تۇرعىندارىنىڭ سانى ءتورت ەسە ءوستى!
ەل استاناسىندا 1997 جىلدان بەرى 32 ميلليون شارشى مەتردەن اسا تۇرعىن ءۇي, ونداعان الەۋمەتتىك نىسان, ونىڭ ىشىندە مەكتەپتەر, بالاباقشالار, مەديتسينالىق مەكەمەلەر, سپورتتىق جانە مادەني نىساندار سالىندى», دەپ جازدى قالا اكىمى ءوزىنىڭ Instagram پاراقشاسىندا.
سونداي-اق اكىمنىڭ ايتۋىنشا, سوڭعى ءۇش جىلدا ەلوردادا 5 جىلدىق نورما ورىندالدى جانە سونىڭ ناتيجەسىندە 8 ميلليون شارشى مەتر تۇرعىن ءۇي سالىنىپ, پايدالانۋعا بەرىلدى. مەملەكەت باسشىسىنىڭ تاپسىرماسى بويىنشا قولجەتىمدى الەۋمەتتىك باسپانا قۇرىلىسىنىڭ كولەمى ايتارلىقتاي ۇلعايدى.
«كوز سۇيسىنەر كورىكتى قالامىز ارماندار ورىندالاتىن مەكەن بولىپ سانالادى. قالا تۇرعىندارى ساپالى ءبىلىم الىپ, كارەرا جاسايدى, وتباسىن قۇرىپ, باسپانالى بولادى. ەلوردانىڭ دامۋىنا ءار ادام ءوزىنىڭ ۇلەسىن قوسىپ كەلەدى.
قۇرىلىس سالاسىنىڭ قىزمەتكەرلەرىن كاسىبي مەرەكەمەن قۇتتىقتايمىن! زور دەنساۋلىق, باقىت, تابىس جانە ءاربىر باستامالارىنىڭ ورىندالۋىن تىلەيمىن!», دەپ جازدى التاي كولگىنوۆ.
