قازاقستاندىق تەننيسشى شيرەك فينالدا الەمنىڭ 7-راكەتكاسى دجەسسيكا پەگۋلامەن شەبەرلىك بايقاستى.
قارسىلاستار بۇعان دەيىن كورتتا ءوزارا كەزدەسپەگەن ەدى. د.پەگۋلا 6:3, 6:3 ەسەبىمەن ەكى سەتتە جەڭىسكە جەتتى. باسەكە 1 ساعات 21 مينۋتقا سوزىلدى.
امەريكالىق تەننيسشى فينالعا شىعۋ ءۇشىن الەمنىڭ 15-راكەتكاسى, رۋمىنيالىق سيمونا حالەپپەن تالاسادى.
يۋ.پۋتينتسەۆا جۇپتىق سىندا دا جارتىلاي فينالعا وتە المادى. ول امەريكالىق سوفيا كەنينمەن بىرگە شيرەك فينالدا امەريكالىق مەديسون كيز – ۇندىستاندىق سانيا ميرزاعا جول بەردى – 5:7, 6:3, 6:10.
يۋليا پۋتينتسەۆانىڭ جەكەلەي سىندا ماستەرس جارىسىنىڭ شيرەك فينالىنا دەيىن جەتۋىنىڭ ءوزى تابىس دەپ باعالاۋعا بولادى. ول الداعى دۇيسەنبىدە جاڭارتىلاتىن رەيتينگىدە 38-ورىنعا كوتەرىلەدى.
