قوعام • 12 تامىز، 2022

«قازاقستان حالقىنا» قورى 2 مىڭنان اسا ستۋدەنتكە ءبىلىم گرانتىن ۇسىندى

109 رەت كورسەتىلدى

«قازاقستان حالقىنا» قورى مەكتەپ تۇلەكتەرى مەن ستۋدەنتتەرگە بولىنەتىن گرانتتار سانىن كوبەيتتى، دەپ حابارلايدى Egemen.kz.

قوردىڭ مالىمەتىنشە، باكالاۆريات باعدارلامالارى بويىنشا ستۋدەنتتەر مەن تالاپكەرلەرگە بارلىعى 2 350 گرانت ءبولىندى، ال شاكىرتاقىنىڭ بەلگىلەنگەن مولشەرى - 40 مىڭ تەڭگە.

«باستاپقى كەزدە 360 گرانت ءبولۋ جوسپارلانعان بولاتىن، بىراق وتىنىشتەر سانىنىڭ كوپ بولۋىنا بايلانىستى گرانتتار سانى كوبەيتىلدى»، دەلىنگەن حابارلامادا.

«قازاقستان حالقىنا» قق ءبىلىم بەرۋ گرانتتارى» قايىرىمدىلىق باعدارلاماسىن ىسكە اسىرۋ شەڭبەرىندە تالاپكەرلەر مەن ستۋدەنتتەردەن گرانتتار الۋعا ءوتىنىم قابىلداۋ باستالدى.

تالاپكەرلەر ءۇشىن بىلىم بەرۋ گرانتتارى مەن شاكىرتاقىلارىنىڭ سانى ءاربىر ججوكبۇ-عا 10 گرانتقا دەيىن، ۇلتتىق ججوكبۇ ءۇشىن 20 گرانتقا دەيىن كوبەيتىلدى.

قوردىڭ 2022-2023 وقۋ جىلىنىڭ تالاپكەرلەرىنە ارنالعان ءبىلىم بەرۋ گرانتتارى مەن ستيپەنديالارىنىڭ جالپى سانى - 850. قور باكالاۆريات باعدارلامالارى بويىنشا مەملەكەتتىك نەمەسە وزگە قانداي دا ءبىر گرانت الماعان كەلەسى ساناتتىڭ:

  • اۋىلدىق جەرلەردىڭ از قامتىلعان وتباسىلارىنىڭ تالاپكەرلەرى;
  • جەتىم بالالارعا جاتاتىن جانە كامەلەتكە تولعانعا دەيىن اتا-اناسىنىڭ قامقورلىعىنسىز قالعان تالاپكەرلەرى;
  • مۇمكىندىگى شەكتەۋلى، ونىڭ ىشىندە مۇگەدەكتىگى بار تالاپكەرلەرى ءۇشىن جوعارى ءبىلىم الۋ ءۇشىن شاكىرتاقىسى بار گرانتتار ۇسىنادى.

بۇل گرانتتار ۇبت-دان وتكەن جانە ونىڭ ناتيجەلەرى بويىنشا ججوكبۇ-عا ءتۇسۋ ءۇشىن قاجەتتى ءوتۋ بالىن جيناعان تالاپكەرلەرگە بەرىلەتىنىن اتاپ ءوتۋ قاجەت.

«قازاقستان حالقىنا» قق ءبىلىم بەرۋ گرانتىنا ۇمىتكەرلەر (تالاپكەرلەر) تاڭدالعان جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمىنىڭ (ججوكبۇ) قابىلداۋ كوميسسياسىنا 2022 جىلعى 10-17 تامىز ارالىعىندا ءوتىنىم بەرەدى. تالاپكەرلەر اراسىندا «قازاقستان حالقىنا» قق گرانتىنا ۇمىتكەرلەردى ىرىكتەۋدى ججوكبۇ (ۋنيۆەرسيتەتتەر) جانىندا جۇمىس ىستەيتىن قابىلداۋ ءبولىمى نەمەسە كەز كەلگەن باسقا كوميسسيا ءبىلىم بەرۋ گرانتتارىن ىسكە اسىرۋ شەڭبەرىندە جۇزەگە اسىرادى.

سونداي-اق ججوكبۇ-نىڭ اقىلى بولىمشەلەرىندە وقيتىن ستۋدەنتتەرگە «قازاقستان حالقىنا» قورىنىڭ قاراجاتى ەسەبىنەن وقۋىن جالعاستىرۋعا مۇمكىندىك بەرىلەدى. ججوكبۇ-نىڭ اعىمداعى ستۋدەنتتەرى ءۇشىن ءبىلىم بەرۋ گرانتتارىنىڭ سانى ءاربىر جوعارعى وقۋ ورنىنا كۆوتا ايقىندالماي، 1500-گە دەيىن ۇلعايتىلدى.

كونكۋرسقا كەلەسى تۇلعالار قاتىسا الادى:

  • مۇمكىندىكتەرى شەكتەۋلى، سونىڭ ىشىندە مۇگەدەكتىگى بار ستۋدەنتتەر;
  • جەتىم بالا ساناتىنا جاتاتىن جانە كامەلەتتىك جاسقا دەيىن اتا-اناسىنىڭ قامقورلىعىنسىز قالعان تۇلعالار;
  • اۋىلدىق جەرلەردەگى جاعدايى تومەن وتباسىلاردان شىققان ستۋدەنتتەر;
  • تولىق ەمەس وتباسىدان، مۇگەدەك بالالاردى تاربيلەپ جۇرگەن وتباسىدان شىققان ستۋدەنتتەر;
  • اتا-اناسىنىڭ بىرەۋى نەمەسە ەكەۋى دە مۇگەدەكتىگى  بار ستۋدەنتتەر.

 

وقۋ قۇنى بويىنشا شەكتەمە ءاربىر گرانت الۋشى ستۋدەنت ءۇشىن 1 ميلليون تەڭگە مولشەرىن قۇرايدى، ەگەر ستۋدەنتتىڭ جىلدىق وقۋىنىڭ قۇنى 1 ميلليون تەڭگەدەن ارتىق بولسا، وندا 1 ميلليون تەڭگەدەن اساتىن ايىرماشىلىقتى گرانت الۋشى ستۋدەنتتىڭ ءوزى تولەۋى ءتيىس.

قور بولەتىن گرانتتار وتەۋسىز كومەك. سوما قايتارىلمايدى جانە گرانت الۋشى وقۋىن اياقتاعاننان كەيىن ونىڭ وقۋىنا جۇمسالعان قاراجاتتى وتەۋگە مىندەتتى ەمەس.

گرانت الۋشىلار قابىلداۋشى ۋنيۆەرسيتەتتىڭ اكادەميالىق تالاپتارىن ۇستانۋى ءتيىس جانە باعدارلاما بويى تولىق وقۋ كۋرسىنان وتۋگە مىندەتتى. بۇل شارتتىڭ ورىندالماۋى قارجىلىق قولداۋدى توقتاتۋعا نەگىزدەمە بولۋى مۇمكىن.

سوڭعى جاڭالىقتار

«تازا كوكجايلاۋ» اكتسياسى ءوتتى

ەكولوگيا • بۇگىن، 19:11

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار