ءبىلىم • 11 تامىز، 2022

حالىقارالىق وليمپيادا جەڭىمپازدارىنا سىياقى بەرىلەدى

42 رەت كورسەتىلدى

وقۋ-اعارتۋ ءمينيسترىنىڭ 2022 جىلعى 29 شىلدەدەگى بۇيرىعىمەن جالپى ءبىلىم بەرەتىن پاندەر بويىنشا حالىقارالىق وليمپيادالاردىڭ جەڭىمپازدارى مەن جۇلدەگەرلەرىنە جانە ولاردى دايىنداعان پەداگوگتەرگە بىرجولعى سىياقى تولەۋ ەرەجەسى بەكىتىلدى، دەپ حابارلايدى Egemen.kz.

جەڭىمپازدار مەن جۇلدەگەرلەرگە كەلەسى مولشەردە بىرجولعى سىياقى كورسەتىلگەن سەرتيفيكات تاپسىرىلادى:

  • I دارەجەلى ديپلوم مەن التىن مەدال ءۇشىن - 1500 اەك (4 594 500 تەڭگە);
  • II دارەجەلى ديپلوم مەن كۇمىس مەدال ءۇشىن - 1000 اەك (3 063 000 تەڭگە);
  • III دارەجەلى ديپلوم مەن قولا مەدال ءۇشىن - 500 اەك (1 531 500 تەڭگە).

پەداگوگتەرگە كەلەسى مولشەردە بىرجولعى سىياقى كورسەتىلگەن سەرتيفيكات تاپسىرىلادى:

  • I دارەجەلى ديپلوم مەن التىن مەدال يەگەرىن دايىنداعان پەداگوگكە - بازالىق لاۋازىمدىق ايلىقاقىنىڭ 26،5 ەسەلەنگەن مولشەرىندە;
  • ءىى دارەجەلى ديپلوم مەن كۇمىس مەدال يەگەرىن دايارلاعان پەداگوگكە - بازالىق ءبىلىم;
  • ءىىى دارەجەلى ديپلوم مەن قولا مەدال يەگەرىن دايىنداعان پەداگوگكە - بازالىق ەۇ-نىڭ 8،5 ەسەلەنگەن مولشەرىندە تولەنەدى.

بىرجولعى سىياقى الۋ ءۇشىن ۇمىتكەرلەر «دارىن» رعپو-عا كەلەسى قۇجاتتاردى ۇسىنادى:

  • جەكە باسىن كۋالاندىراتىن قۇجاتتىڭ (بار بوسا) نەمەسە تۋ تۋرالى كۋالىكتىڭ نەمەسە پاسپورتتىڭ كوشىرمەسى;
  • I، II، III دارەجەلى ديپلومداردىڭ كوشىرمەلەرى;
  • اعىمداعى بانكتىك شوتتىڭ دەرەكتەمەلەرى;
  • پەداگوگتىڭ جۇمىس ورنىنان انىقتاما;
  • پەداگوگ تۋرالى دەرەكتەردى كورسەتە وتىرىپ، بىرجولعى سىياقى يەگەرىنىڭ وقۋ ورنىنان انىقتاما.

پەداگوگتەر ەكى جانە ودان دا كوپ جەڭىمپازدار مەن جۇلدەگەرلەردى دايىنداعان كەزدە بىرجولعى سىياقى ءاربىر جەڭىمپاز بەن جۇلدەگەر ءۇشىن تولەنەدى.

ءبىلىم الۋشىلارعا ەكى جانە ودان دا كوپ پەداگوگتى كورسەتكەن كەزدە بىرجولعى سىياقى سوماسى كورسەتىلگەن پەداگوگتەر اراسىندا تەڭ پروپورتسيادا بولىنەدى.

بىرجولعى سىياقى رەسپۋبليكالىق بيۋدجەت قاراجاتى ەسەبىنەن تولەنەدى.

بۇيرىق 2022 جىلعى 21 تامىزدان باستاپ قولدانىسقا ەنگىزىلەدى.

سوڭعى جاڭالىقتار

«تازا كوكجايلاۋ» اكتسياسى ءوتتى

ەكولوگيا • بۇگىن، 19:11

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار