«ەلوردادا كەزەكتى بىرەگەي ورتالىق اشىلدى. ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلار ءۇشىن «باقىتتى شاڭىراق» ورتالىعى (ر.قوشقارباەۆ داڭعىلى, 60) ءوز ەسىگىن ايقارا اشتى. بۇل – ەسەپ بويىنشا وسىمەن ءتورتىنشى ورتالىق. ونىڭ ەرەكشەلىگى – مۇمكىندىگى شەكتەۋلى بالالارعا عانا ەمەس, ولاردىڭ انالارىنا دا قاجەت كومەك تۇرلەرى كورسەتىلەدى», دەلىنگەن جازبادا.
مۇندا ەرەكشە بالالاردىڭ انالارىنا قايتا ءبىلىم الۋ, بىلىكتىلىگىن ارتتىرۋ كۋرستارىنان ءوتۋ, جۇمىسقا ورنالاسۋ بويىنشا جەردەم بەرىلەدى. سول سياقتى پسيحولوگيالىق كومەك تە كورسەتىلەدى. «باقىتتى شاڭىراق» ورتالىعى مۇمكىندىگى شەكتەۋلى 600-دەن استام بالانى قامتيدى.
«مەملەكەت باسشىسىنىڭ تاپسىرماسى بويىنشا ەرەكشە قاجەتتىلىكتەرى بار بالالارعا جان-جاقتى جاعداي جاساۋ ماسەلەسىنە ەرەكشە كوڭىل بولىنەدى. سوڭعى جىلدارى وڭالتۋ ورتالىقتارىنىڭ جەلىسى ايتارلىقتاي ارتتى. وسىلايشا, 15-تەن استام ورتالىق اشىلدى, ولار 4 مىڭعا جۋىق مۇمكىندىگى شەكتەۋلى بالانى قامتىدى. وڭالتۋ ورتالىقتارى مەن كومەك كورسەتۋ ورتالىقتارى ەرەكشە بالالاردىڭ اتا-انالارى ءۇشىن اۋاداي قاجەت. سەبەبى مۇنداي ورتالىقتار بالانىڭ دەنساۋلىعىن جاقسارتۋعا جانە ولاردى الەۋمەتتەندىرۋگە كومەكتەسەدى.
ماسەلەن, وسىعان دەيىن «اسىل ميراس», «وردا», «بالام-اي» وڭالتۋ ورتالىقتارى, سول سياقتى №1 قالالىق بالالار اۋرۋحاناسى بازاسىندا «قامقورلىق» وڭالتۋ ورتالىعى اشىلدى. ولار دتسپ, اۋتيزم, داۋن سيندرومى جانە جۇرەك تالماسى سەكىلدى دياگنوزى بار بالالاردى وڭالتۋمەن اينالىسادى», دەپ جازدى اكىم.
سونداي-اق بىلىكتىلىكتى ارتتىرۋ جانە جۇمىسقا ورنالاستىرۋ ماسەلەسىنە ارنالعان ورتالىقتار, بەلسەندى ۇزاق ءومىر ءسۇرۋ ورتالىعى (ارداگەرلەر ءۇيى), الەۋمەتتىك ورتالىقتار («جانۇيا» وتباسى ينستيتۋتىن قولداۋ ورتالىعى), كورۋ قابىلەتى بۇزىلعان بالالارعا ارنالعان مامانداندىرىلعان بالاباقشا (سارىارقا اۋدانى, كەنەسارى كوشەسى 9/1) اشىلدى.
