الماتى وبلىسى پوليتسيا دەپارتامەنتى مىنا ادامدارعا ىزدەۋ سالادى:
قوزىباەۆ عاني مۇرات ۇلى - 31 جاستا, قر قىلمىستىق كودەكسىنىڭ 99-بابى 2-بولىگى 1,7,9-تارماقتارى (ادام ءولتىرۋ) جانە 293-بابى 3-بولىگى 2-تارماعى (بۇزاقىلىق) بويىنشا اسا اۋىر قىلمىس جاسادى دەگەن كۇدىك بويىنشا;
اسقار جانىبەك ۇلى تىنىشتىقوۆ - 30 جاستا, قر قىلمىستىق كودەكسىنىڭ 24-بابى 3-بولىگى (قىلمىسقا دايىندالۋ جانە قىلمىسقا وقتالۋ) جانە 99-بابى 2-بولىگى 1,7,9-تارماقتارى (ادام ءولتىرۋ), 293-بابى 3-بولىگى 2-تارماعى (بۇزاقىلىق) بويىنشا اسا اۋىر قىلمىستار جاسادى دەگەن كۇدىك بويىنشا;
سەرىكبول مۇراتبەك ۇلى شوكەنوۆ - 30 جاستا, قر قىلمىستىق كودەكسىنىڭ 293-بابى 3-بولىگى 2- تارماعى (اتىس قارۋىن قولدانىپ بۇزاقىلىق) بويىنشا قىلمىس جاسادى دەگەن كۇدىك بويىنشا;
نۇرسۇلتان باحتيار ۇلى اۋكەنوۆ - 30 جاستا, قر قىلمىستىق كودەكسىنىڭ 293-بابى 3-بولىگى 2-تارماعى (بۇزاقىلىق) بويىنشا اسا اۋىر قىلمىس جاسادى دەگەن كۇدىك بويىنشا.
الماتى وبلىسىنىڭ پوليتسياسى وسى ادامدار تۋرالى اقپاراتى بارلارعا مىنا تەلەفوندار بويىنشا حابارلاۋىن سۇرايدى: +7 701 500 08 47, +7 700 200 07 88, +7 702 717 77 17, +7 707 738 78 78, +7 72770 2 26 02 نەمەسە 102.
ەسكە سالا كەتەيىك, الماتى وبلىسى ۇزىناعاش اۋىلىندا اتىس بولىپ, ءبىر ادام قازا تاپقانى حابارلانعان بولاتىن.
4 تامىزدا جامبىل وبلىسى ۇزىناعاش اۋىلىنداعى اۋرۋحاناعا وق جاراقاتىمەن ءۇش جەرگىلىكتى تۇرعىن جەتكىزىلگەن.
زارداپ شەككەندەردىڭ ءبىرى جانساقتاۋ بولىمىنە جەتكىزىلگەننەن كەيىن كوز جۇمدى.
