رۋحانيات • 10 تامىز، 2022

الماتى وبلىسىندا «ابايدىڭ اقىن ۇلدارى» كىتابىنىڭ تۇساۋكەسەرى ءوتتى

53 رەت كورسەتىلدى

الماتى وبلىسى جاڭالىق اۋىلىنداعى «اشتىق جانە ساياسي قۋعىن سۇرگىن قۇرباندارىنا» ارنالعان مۋزەيدە ابايدىڭ قۋعىن-سۇرگىنگە ۇشىراعان ۇرپاقتارى جايىندا سىر شەرتىلگەن كەش ءوتتى، دەپ حابارلايدى Egemen.kz.

كەشتە  اباي كۇنىنە ورايلاستىرىلىپ،  «ابايدىڭ اقىن ۇلدارى» اتتى ەڭبەكتىڭ تۇساۋى كەسىلىپ، وقىرمانعا جول تارتتى. كىتاپتا دالا دانىشپانىنىڭ تالانتتى ۇلدارى اقىلباي، ماعاۋيا جانە تۇراعۇل جانە  نەمەرەسى اۋباكىر اقىلباي ۇلى جايلى زەرتتەۋلەر زەردەلەنگەن.

ايتا كەتسەك، تۇڭعىشى اقىلباي مەن ماعاۋيا اتى ايگىلى ءبىر تالاي كوركەم داستان پوەمالاردى جازعان. ال تۇراعۇل قارا ءسوزدىڭ حاس شەبەرى بولعان. بۇدان بولەك اۋدارماشىلىعى دا ءبىر توبە. نەمەرەسى اۋباكىردىڭ ولەڭدەرىندە اباي ۇلگىسى سايراپ جاتىر. ول ساتيرالىق ولەڭدەرىمەن بىرگە  تاريحي شىعارمالارعا بەت بۇرىپ، كولەمدى داستاندار جازعان.  

كەڭەستىك كەرى ساياساتتىڭ تاس قۇرساۋى كەمەڭگەر ۇرپاقتارىن دا اينالىپ وتپەگەن. 

«بۇگىنگى شارانىڭ بۇل مۋزەيدە ءوتۋى دە تەگىن ەمەس. مەن بىلەتىن ابايدىڭ نەمەرە ءىنىسى شاكارىمنەن باستاپ، 14 ۇرپاعى قۋعىن كورگەن. قىسقاسى، كەڭەس وكىمەتى اباي ۇرپاقتارىنا تەرىس قاراعان. ال ەندى بۇگىنگى جاستار اباي ارمانداعانداي ءبىلىمدى بىلىكتى بولۋ كەرەك قوي»، دەپ اتاپ ءوتتى جازۋشى بولات  جۇنىسبەكوۆ. 

شارا سوڭىندا قوناقتار مۋزەيدى ارالاپ، ەكسپونات ەستەلىكتەرمەن تانىستى.

الماتى وبلىسىندا «اباي اندەرى» اتتى «ۇشقوڭىر» فولكلورلى-ەتنوگرافيالىق ءانسامبلىنىڭ كونتسەرتى، «ۇمبەتالى جىرلارىنداعى – اباي بەينەسى» اتتى جيىنى، ء«حانتاڭىرى» حالىق تەاترىنىڭ «تەلعارا» فيلم-سپەكتاكلىنىڭ قويىلىمى، «اباي – جىرشى، ۇلى اقىنى ەلىمنىڭ» اتتى پوەزيا كەشى سىندى شارالار 17 تامىزعا دەيىن جالعاسىن تاپپاق.

سوڭعى جاڭالىقتار

ۇقساس جاڭالىقتار