« ۇلىتاۋ وبلىسىنا كولىك قاتىناسىن دامىتۋ ماقساتىندا بيىل قىركۇيەكتەن باستاپ جەزقازعان قالاسىنا «تالگو» پويىزدارى قاتىنايدى. ول ءۇشىن كۇن ارا № 65/66 «نۇر-سۇلتان – جەزقازعان» جانە № 73/74 «الماتى-2 جەزقازعان» باعىتىنداعى پويىزدار جولعا شىعادى», دەدى ۆەدومستۆودان.
سونىمەن قاتار مينيسترلىك جىل باسىنان بەرى جولاۋشىلار پويىزىنا جۇرگىزىلگەن تەكسەرىستەر ناتيجەسىن جاريالادى. 300 پويىز تەكسەرۋدەن ءوتىپ, ولاردا 700-گە جۋىق ولقىلىق تابىلعان. انىقتالعان فاكتىلەر بويىنشا اكىمشىلىك حاتتامالار تولتىرىلعان.
بۇدان بولەك, ءمالىم ەتىلگەندەي, قازىر پويىز بيلەتتەرىنىڭ الىپ-ساتارلىعىمەن اينالىساتىن تۇلعالاردى انىقتاۋ شارالارى ءجۇرىپ جاتىر. وسىعان وراي قر يدم كولىك كوميتەتىنىڭ تاپسىرماسى بويىنشا جول ءجۇرۋ قۇجاتتارىن ساتىپ الۋ جانە قايتا ساتۋ فاكتىلەرىنىڭ جولىن كەسۋ ماقساتىندا اۋماقتىق بولىمشەلەر كولىك پوليتسياسىنىڭ جانە مەملەكەتتىك كىرىستەر دەپارتامەنتتەرىنىڭ وكىلدەرىمەن بىرلەسىپ تەمىرجول ۆوكزالدارىندا جۇمىس جۇرگىزۋدە.
