«زامان تالاپتارىن ەسكەرە وتىرىپ, گارابوگاز شىعاناعى ارقىلى وتەتىن اۆتوموبيل كوپىرىنىڭ قۇرىلىسىن باستاۋدى قولعا العان دۇرىس دەپ سانادىق. وسى جىلدىڭ 16 ماۋسىمىندا قابىلدانعان قاۋلىعا سايكەس, جالپى ۇزىندىعى 354 مەتر جانە ەنى 21 مەتر بولاتىن اۆتوموبيل كوپىرىنىڭ جوبالىق-سمەتالىق قۇجاتتاماسىن دايىنداۋ جانە سالۋ كوزدەلگەن. كوپىر تۇرىكمەنباشىدان گارابوگاز كيول شىعاناعى ارقىلى قازاقستان شەكاراسىنا دەيىن اپاراتىن تاس جولدىڭ بويىندا سالىنادى», دەپ اتاپ ءوتتى سەردار بەردىمۇحامەدوۆ.
جاڭا كوپىر ەلدىڭ شىعىس جانە سولتۇستىك وڭىرلەرى مەن كورشىلەس مەملەكەتپەن اراداعى تاۋار اينالىمى, جۇك جانە جولاۋشىلار تاسىمالى كولەمىن ارتتىرادى دەپ كۇتىلۋدە.
وسىلايشا, كوپىر تۇرىكمەنستان, رەسەي, قازاقستان, يران مەن ءۇندىستاننىڭ جۇك تاسىمالداۋشىلارىنا تەڭىز, تەمىرجول جانە اۆتوموبيل كولىگىن پايدالانىپ, ەڭ قىسقا جولمەن سولتۇستىك جانە شىعىس ەۋروپا ەلدەرىنە شىعۋعا مۇمكىندىك بەرمەك.
