«مەديتسينالىق كومەك كورسەتۋدى ەسەپتەۋ پروتسەسىن جاپپاي اۆتوماتتاندىرۋدى قويىپ, اۋرۋدىڭ ەرتەرەك انىقتاۋ جانە اسقىنۋدىڭ الدىن الۋعا ءمان بەرۋ قاجەت. دەنساۋلىق ساقتاۋ سالاسىن تسيفرلاندىرۋ تاسىلدەرى قايتا قارالادى. قازىر دارىگەر قابىلداۋىنا حالىقتىڭ تەك 8 پايىزى عانا ونلاين جازىلادى, دەگەنمەن ىڭعايلى سەرۆيستەردى ەنگىزۋ ارقىلى بۇل كورسەتكىشتى كوپ ۇزاماي ۇلعايتاتىن بولامىز», دەدى تسيفرلىق دامۋ ءمينيسترى.
باعدات ءمۋسيننىڭ ايتۋىنشا, قر ءتسدياوم دەنساۋلىق ساقتاۋ مينيسترلىگىمەن بىرگە eGov Mobile ءموبيلدى قوسىمشاسىندا «eGov.دەنساۋلىق» جاڭا ءبولىمىن جاساپ جاتىر. بۇل بولىمدە دونورلىق مارتەبە, ەلەكتروندىق رەتسەپت, ۆاكتسينالاۋ, تاجىريبەحانالىق زەرتتەۋلەر قورىتىندىسى, جۇمىسقا جارامدىلىق پاراعى تۋرالى جانە ت.ب. اقپارات جيناقتالادى. وسىلايشا دەنساۋلىققا بايلانىستى بارلىق مالىمەت ءبىر جەردە شوعىرلانىپ, قولجەتىمدى بولادى.
باعدات مۋسين حالىقتى بايلانىس جانە ينتەرنەتپەن قامتۋ ماسەلەسىنە ەرەكشە توقتالىپ, سونداي-اق وبلىس اۋماعىنا جۇرگىزىلىپ جاتقان عارىش مونيتورينگى تۋرالى دا ايتتى. ماسەلەن, اتقارىلعان جۇمىس ناتيجەسىندە قىزىلوردا وبلىسىندا پايدالى قازبالار زاڭسىز ءوندىرىلىپ جاتقان 94 ورىن, سونداي-اق رۇقسات ەتىلمەگەن 101 قوقىس نىساندارى انىقتالعان.
جوسپار بويىنشا 9 تامىزدا مينيستر «روسكوسموستىڭ» جاڭا باسشىسى يۋري بوريسوۆپەن كەزدەسىپ, «بايتەرەك» كەشەنى مەن باسقا دا بىرقاتار ماسەلەلەردى تالقىلاماق.
