قازاقستان • 05 تامىز، 2022

قازاقستان پارسى شىعاناعىمەن ىنتىماقتاستىعىن نىعايتادى

44 رەت كورسەتىلدى

قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ەلورداعا رەسمي ساپارمەن كەلگەن پارسى شىعاناعىنىڭ اراب مەملەكەتتەرىنىڭ ىنتىماقتاستىق كەڭەسى باس حاتشىسى نايف حادجرافپەن كەلىسسوزدەر وتكىزدى، دەپ حابارلايدى Egemen.kz.

تاراپتار ورتالىق ازيانىڭ پشامىك-پەن وڭىرارالىق ىنتىماقتاستىعىنىڭ پەرسپەكتيۆالارىن، قازاقستاننىڭ اراب ەلدەرىمەن ءوزارا ءىس-قيمىلىن تالقىلادى، سونداي-اق حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.

م.تىلەۋبەردى ءوز سوزىندە پشامىك بۇگىندە قازاقستان ءۇشىن ايتارلىقتاي قىزىعۋشىلىق تۋدىراتىن قارقىندى دامىپ كەلە جاتقان حالىقارالىق ۇيىم ەكەنىن اتاپ ءوتتى.

ء«بىزدىڭ رەسپۋبليكامىز شىعاناقتاعى اراب ەلدەرىمەن تۇراقتى جانە دوستىق قارىم-قاتىناستار ورناتقان جانە وسى وڭىرمەن ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتى ودان ءارى دامىتۋعا نيەتتى. قازاقستان پشامىك-ءتىڭ بارلىق مۇشە مەملەكەتتەردىڭ ازاماتتارى ءۇشىن ۆيزاسىز رەجيم ەنگىزىپ، ساك، ءباا، قاتار جانە كۋۆەيتپەن تىكەلەي اۋە قاتىناسىن اشتى. شىعاناق ەلدەرى قازاقستان ەكونوميكاسىنىڭ ءىرى ينۆەستورلارى»، دەدى ول.

ءوز كەزەگىندە، ن.حادجراف پشامىك مۇشە مەملەكەتتەرى ورتالىق ازيا وڭىرىمەن ىنتىماقتاستىقتىڭ كوپجاقتى فورماتىن ورناتۋعا مۇددەلى ەكەنىن، سونداي-اق جاقىن ارادا «وا - پشامىك» ديالوگ الاڭىنىڭ العاشقى مينيسترلىك كەزدەسۋىن وتكىزۋگە دايىن ەكەنىن مالىمدەدى.

كەلىسسوزدەر بارىسىندا تاراپتار 2021 جىلدىڭ 12 قازانىندا قول قويىلعان قازاقستاننىڭ سىرتقى ىستەر مينيسترلىگى مەن پشامىك باس حاتشىلىعى اراسىنداعى ءوزارا تۇسىنىستىك تۋرالى مەموراندۋمنىڭ ماڭىزدىلىعىن اتاپ ءوتتى. بۇل قۇجات قازاقستانعا ەكىجاقتى، سونداي-اق كوپجاقتى فورماتتا پشامىك باس حاتشىلىعىمەن ءوزارا ىنتىماقتاستىق ورناتۋعا مۇمكىندىك بەرەدى.

كەزدەسۋ قورىتىندىسى بويىنشا ديپلوماتتار قازاقستان مەن پشامىك ەلدەرى اراسىنداعى دوستىق قارىم-قاتىناستاردى دامىتۋعا جانە نىعايتۋعا بىرلەسكەن كۇش-جىگەردى جالعاستىرۋعا كەلىستى.

قازاقستانعا ساپارى اياسىندا پشامىك باس حاتشىسىن قر پرەمەر-ءمينيسترى ءالىحان سمايىلوۆ قابىلدادى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار