قازاقستان • 03 تامىز، 2022

الماتى اكىمى ەربولات دوساەۆ ددۇ باس ديرەكتورى تەدروس گەبرەيەسۋسپەن كەزدەستى

38 رەت كورسەتىلدى

كەزدەسۋ بارىسىندا دەنساۋلىق ساقتاۋ سالاسىنداعى ىنتىماقتاستىقتى نىعايتۋ، ونىڭ ىشىندە كوروناۆيرۋسقا قارسى ءىس-قيمىل، مامانداردى وقىتۋ جانە جاڭا تەحنولوگيالاردى تارتۋ ماسەلەلەرى تالقىلاندى، دەپ حابارلايدى Egemen.kz.

كەزدەسۋگە قازاقستان رەسپۋبليكاسىنىڭ دەنساۋلىق ساقتاۋ ءمينيسترى اجار عينيات تا قاتىستى.

تالقىلاۋ بارىسىندا الماتى قالاسىنداعى ەپيدەميولوگيالىق جاعدايى، كوروناۆيرۋستىق ينفەكتسيامەن كۇرەسۋ ءۇشىن قاجەتتى رەسۋرستارمەن قامتاماسىز ەتىلگەنى جانە ددۇ ۇسىنىمدارىن ۇستاناتىنى اتاپ ءوتىلدى. قالا باسشىسى ەربولات دوساەۆ COVID-19 قالانىڭ دەنساۋلىق ساقتاۋ جۇيەسىندەگى ءالسىز جەرلەردى اشقانىن اتاپ ءوتتى.

«پاندەميا ءبىرىنشى كەزەكتە نەنى جاقسارتۋ كەرەكتىگىن كورسەتتى جانە ءبىز قاجەتتى جۇمىستاردى جۇرگىزۋگە نيەتتىمىز، ونىڭ ىشىندە العاشقى مەديتسينالىق-سانيتارلىق كومەكتىڭ (مساك) ىقپالى تۇرعىسىنان كورسەتتى. ءبىز قالاداعى جاعدايدى جاقسارتۋعا نيەتتىمىز. ول ءۇشىن مەديتسينالىق مەكەمەلەرگە جوندەۋ جانە جاڭعىرتۋ جۇرگىزۋدى، كادرلىق الەۋەتتى كۇشەيتۋدى جانە ددۇ-نىڭ وزىق پراكتيكالارى مەن ۇسىنىمدارىن ىسكە اسىرۋ الاڭىنا اينالدىرۋدى جوسپارلاۋدامىز. كەلەسى 2-3 جىل قالالىق دەنساۋلىق ساقتاۋ جۇيەسىن رەفورمالاۋ ءۇشىن وتە ماڭىزدى»، دەدى اكىم.

ءوز كەزەگىندە تەدروس گەبرەيەسۋس قالا باسشىسىن قولداپ، العاشقى مەديتسينالىق-سانيتارلىق كومەكتىڭ ماڭىزدىلىعىن اتاپ ءوتتى جانە قازاقستاننىڭ وسى سالاداعى تاجىريبەسىن جوعارى باعالادى (قازاقستان مساك-تىڭ وتانى بولىپ سانالادى، مساك جونىندەگى الماتى دەكلاراتسياسى 1978 جىلعى 12 قىركۇيەكتە قابىلداندى، 2015 جىلى الماتىدا مساك جونىندەگى ددۇ-نىڭ ءوفيسى اشىلدى).

«ددۇ الەمگە كوپتەگەن مۇمكىندىكتەر بەرەتىن العاشقى مەديتسينالىق-سانيتارلىق كومەك ورتالىعىنا شوعىرلانعان. كەلەسى جىلى نيۋ-يوركتە مەديتسينالىق ساقتاندىرۋمەن جالپى قامتۋ بويىنشا جوعارى دەڭگەيدەگى كەزدەسۋ وتەدى. ءبىز قازاقستاننىڭ وزىمىزبەن بىرگە جۇمىس ىستەگەنىن جانە العاشقى مەديتسينالىق-سانيتارلىق كومەك اسپەكتىلەرى بويىنشا جەتەكشى ءرول اتقارعانىن قالايمىز»، دەدى تەدروس گەبرەيەسۋس.

2208032032284976g.jpg

تاراپتار الماتى اۋماعىندا جۇمىس ىستەيتىن ددۇ-نىڭ مساك جونىندەگى گەوگرافيالىق جاعىنان قاشىق ورنالاسقان وڭىرلىك ءوفيسى اياسىندا ىنتىماقتاستىقتى كۇشەيتۋ تۋرالى ۋاعدالاستى.

قالا باسشىسى الماتىنىڭ دەنساۋلىق ساقتاۋ سالاسىن دامىتۋ ءۇشىن وزىق الەمدىك تاجىريبە مەن ۇزدىك پراكتيكانى پايدالانۋعا اسا مۇددەلى ەكەنىن اتاپ ءوتتى.

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار