قىرعىزستان ءىىم جول قاۋىپسىزدىگىن قامتاماسىز ەتۋ باس باسقارماسى ءباسپاسوز قىزمەتى مالىمەتىنشە, جول-كولىك وقيعاسى 2 تامىزدا ساعات 15.20 شاماسىندا شىرپىقتى جانە تورۋ-ايگىر اۋىلدارى اراسىندا بولعان.
«بالىقشى - انانەۆو - قاراكول تاسجولىندا Opel Zafira كولىگىنىڭ جۇرگىزۋشىسى رولگە يە بولا الماي قالعان. الدىن الا مالىمەت بويىنشا, كولىكتىڭ دوڭگەلەگى جارىلعان. سالدارىنان 1982 جانە 1966 جىلى تۋعان جولاۋشىلار وقيعا ورنىندا قازا بولدى. ال جۇرگىزۋشى مەن 2001 جىلى تۋعان ەگىز ءتۇرلى جاراقاتپەن بالىقشى قالالىق اۋرۋحاناسىنىڭ جانساقتاۋ بولىمىنە جەتكىزىلدى», دەلىنگەن ۆەدومستۆو حابارلاماسىندا.
جۇرگىزۋشى ەسىن جيماستان, اۋرۋحانادا كوز جۇمعان.
«قازاقستاندىقتار قارا-بالتا قالاسىنداعى تۋىستارىنا كەلگەن, سول جەردەن ءۇش كولىكپەن ىستىقكول وبلىسىنا دەمالۋعا كەتكەن. قايتار جولدا ءۇش كولىك تە كولوننامەن ءجۇرىپ, ورتاسىندا Opel Zafira بولعان. اپات سالدارىنان كولىك اۋدارىلىپ قالدى», دەدى ءباسپاسوز قىزمەتىندەگىلەر.
بۇل دەرەك ىستىقكول اۋدانى ىشكى ىستەر ورگاندارىنا تىركەلىپ, ءتيىستى ساراپتامالار تاعايىندالدى. تەرگەۋ امالدارى جۇرگىزىلىپ جاتىر.
