2022 جىلعى 1 تامىزداعى جاعداي بويىنشا, جىل باسىنان 9 077 ەتنيكالىق قازاق تاريحي وتانىمەن تابىسىپ, قانداس مارتەبەسىن الدى. جالپى 1991 جىلدان بەرى رەسپۋبليكاعا 1 ميلليون 96,9 مىڭ ەتنيكالىق قازاق ورالدى.
«جىل باسىنان قازاقستانعا كەلگەن قانداستاردىڭ جارتىسىنان كوبى وزبەكستاننان (69,9%), قىتايدان 10,3%, تۇرىكمەنستاننان 7,1%, موڭعوليادا 4,0% جانە باسقا ەلدەردەن 8,7% قونىس اۋداردى. ەتنيكالىق قازاقتار نەگىزىنەن الماتى (30,8%), ماڭعىستاۋ (17,9%), تۇركىستان (9,7%) جانە جامبىل (6,5%) وبلىستارىنا, سونداي-اق الماتى (5,7%), نۇر-سۇلتان (7,2%) جانە شىمكەنت (8,0%) قالالارىنا قونىستاندى», دەلىنگەن مينيسترلىك حابارلاماسىندا.
ەلگە كەلگەن 9 مىڭنان استام قانداستىڭ 60,5% - ەڭبەككە قابىلەتتى جاستاعى ازاماتتار, 26,2% - ەڭبەككە قابىلەتتى جاستان كىشى, 13,3% - زەينەتكەرلەر.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11,8% جوعارى ءبىلىمدى, 39,8% ورتا كاسىبي ءبىلىمدى, 46,7% جالپى ورتا ءبىلىمدى جانە 1,6% ءبىلىمى جوق.
