«قوستاناي جىلۋ-ەنەرگەتيكا كاسىپورنى» مكك مەحانيكالاندىرۋ قىزمەتىنىڭ باسشىسى قىزمەتتىك بابىن پايدالانىپ, جانار-جاعارماي تالوندارىن ۇرلاپ, جەڭىلدەتىلگەن باعامەن ءارتۇرلى تۇلعالارعا ساتىپ جىبەرگەن.
بۇرىنعى باسشى 2020 جىلدىڭ قازانىنان 2021 جىلدىڭ جەلتوقسانىنا دەيىنگى ارالىقتا 2,5 مىڭ ليتردەن استام اي-92 ماركالى بەنزينگە جانە 100 مىڭ ليترگە جۋىق جازعى ديزەل وتىنىنا تالونداردى ۇرلاپ, 18,5 ملن تەڭگە ماتەريالدىق زالال كەلتىرگەن.
سوت قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ, 6 جىل شارتتى مەرزىمگە باس بوستاندىعىنان ايىرۋ جازاسىن تاعايىندادى. سونىمەن قاتار ول بارلىق بەلگىلەنگەن مەرزىمگە پروباتسيالىق باقىلاۋعا الىندى.
