ء«بىر جىل بۇرىن قازاقستاندا اۋىل اكىمدەرىن تىكەلەي سايلاۋ مەحانيزمى ىسكە قوسىلعان بولاتىن. وتكەن جىلى شىلدە ايىنان بەرى 1093 ەلدى مەكەننىڭ اكىمى سايلاندى. ونىڭ 215-ءى ءوز-ءوزىن ۇسىنسا, 116-سى قايتا سايلانعان بۇرىنعى اكىمدەر», دەپ جازدى ول.
ايتۋىنشا, ءبىر جىلدىڭ ىشىندە ەلدەگى اۋىل اكىمدەرىنىڭ كورپۋسى 55,6% جاڭارعان.
«بۇل 608 اۋىلعا جاڭا باسشى كەلدى دەگەن ءسوز. ونىڭ باسىم بولىگى بۇرىن مەملەكەتتىك قىزمەتتە ىستەپ كورمەگەن. ياعني, دارىگەرلەر, مۇعالىمدەر, بيزنەسمەندەر, جەرگىلىكتى كاسىپورىن مەن شارۋا قوجالىق باسشىلارى حالىق سەنىمىنە يە بولىپ, اكىم رەتىندە سايلانىپ وتىر. بارىنەن دە ماڭعىستاۋ وبلىسىندا جاڭا اكىمدەر كوپ سايلاندى – 77,8%. (سايلانعان 18 اكىمنىڭ 14-ءى), ودان كەيىن قاراعاندى وبلىسىندا – 77,2% (79-دىڭ 61-ءى) جانە جامبىل وبلىسىندا – 71% (72-ءنىڭ 51-ءى) جاڭا اكىمدەر كوپ سايلانعان», دەدى ەرلان قارين.
جازبادا اۋدان اكىمدەرىنىڭ سايلاۋى تۋرالى دا ايتىلعان.
«وسى جەكسەنبى كۇنى, 31 شىلدەدە 27 اۋىلدىق وكرۋگتە اۋىل اكىمدەرىنىڭ سايلاۋى وتەدى. ال جىل اياعىنا دەيىن 214 اۋىلدىڭ باسشىسى تىكەلەي سايلاۋ ارقىلى قىزمەتىنە كىرىسۋى كەرەك. 2023 جانە 2024 جىلدارعا 1037 اۋىلدىق وكرۋگتە اكىم سايلاۋى جوسپارلانعان. جاقىن ارادا اۋدان اكىمدەرىنىڭ دە تىكەلەي سايلاۋىن وتكىزۋ جوسپارلانىپ وتىر. ونىمەن قوسا, جاڭا كونستيتۋتسيالىق رەفورما بويىنشا وبلىس اكىمدەرى وڭىرلىك ءماسليحات دەپۋتاتتارىنىڭ داۋىس بەرۋ قورىتىندىسى بويىنشا تاعايىندالادى. وسىلايشا, ەلدىڭ ساياسي جۇيەسى بىرتىندەپ ترانسفورماتسيالانىپ كەلەدى. مەملەكەتتىك باسقارۋ سالاسىنا دەموكراتيانىڭ جاڭا قۇرالدارى ەنگىزىلىپ جاتىر», دەپ جازدى مەملەكەتتىك كەڭەسشى.
