2022 جىلدىڭ 26 ساۋىرىندە ا. جانە ت-عا قارجى پيراميداسىن قۇرعانى ءۇشىن 7 جىل مەرزىمگە قاراجات جيناۋعا بايلانىستى قىزمەتپەن اينالىسۋ قۇقىعىنان ايىرا وتىرىپ, 4 جىل 8 ايعا باس بوستاندىعىنان ايىرۋ جازاسى تاعايىندالعان.
ا. مەن ت. قارجى پيراميداسىن قۇرىپ, WhatsApp چاتتارى ارقىلى 35-تەن اسا جابىرلەنۋشىنىڭ قاراجاتىن تارتىپ, ولارعا اسا ءىرى كولەمدە ماتەريالدىق شىعىن كەلتىرگەنى ءۇشىن كىنالى دەپ تانىلدى.
«اپەللياتسيالىق سوت شەشىمى بويىنشا, ءبىرىنشى ساتىداعى سوتتىڭ قىلمىستىق كودەكستىڭ 55-بابىن دۇرىس قولدانباۋىنا بايلانىستى («وسى قىلمىستىق قۇقىق بۇزۋشىلىق ءۇشىن كوزدەلگەننەن نەعۇرلىم جەڭىل جازا تاعايىنداۋ») كىنالى ادامنىڭ جازاسى 6 جىل 8 ايعا دەيىن ۇزارتىلدى.
«قىلمىستىق كودەكستىڭ 217-بابى 3-بولىگى 2-تارماعى سانكتسياسىندا 5 جىلدان 10 جىلعا دەيىن باس بوستاندىعىنان ايىرۋ تۇرىندەگى جازا قاراستىرىلعان. ياعني, قىلمىستىق كودەكستىڭ 55-بابى 2-بولىگىنىڭ نورمالارىن ەسكەرە وتىرىپ (جەڭىلدەتەتىن جانە اۋىرلاتاتىن ءمان-جايلار بولماعان كەزدە) كىنالىگە تاعايىندالاتىن جازا سانكتسيادا كوزدەلگەننەن تومەن بولماۋى كەرەك ەدى», دەلىنگەن حابارلامادا.
اپەللياتسيالىق ينستانتسيا ۇكىممەن تۇزەتىلدى. سوت اكتىلەرى زاڭدى كۇشىنە ەندى.
