اتاپ ايتقاندا, مەرەكەلىك كۇندەر تىزبەسىن كەلەسىدەي تولىقتىرۋ جوسپارلانۋدا:
20 تامىز - ەلەكتروندىق كوممەرتسيا كۇنى.
«جوبانى قابىلداۋ قازاقستاندا ەلەكتروندىق كوممەرتسيانىڭ اعىمداعى جاعدايى مەن دامۋىنا ارنالعان ءىس-شارالاردى جىل سايىن وتكىزۋگە, «ەلەكتروندىق كوممەرتسيا كۇنى» اياسىندا ەلەكتروندىق كوممەرتسيا سالاسىنىڭ ۇزدىك جوبالارىن ماراپاتتاۋعا مۇمكىندىك بەرەدى», دەلىنگەن تۇسىندىرمە جازبادا.
بۇدان باسقا, حالىق اراسىندا ەلەكتروندىق كوممەرتسيانى تانىمال ەتۋ جانە ونلاين-ساتىپ الۋدى جۇزەگە اسىرۋدى ىنتالاندىرۋ جونىندەگى ءىس-شارالاردى وتكىزۋ جوسپارلانۋدا.
ونىڭ ىشىندە ەلەكتروندى ساۋدا الاڭدارى مەن ينتەرنەت-دۇكەندەر اراسىندا كەڭسە تاۋارلارى مەن مەكتەپ كەرەك-جاراقتارىن جەڭىلدىكپەن ساتۋ بويىنشا اكتسيالار مەن ونلاين جارمەڭكەلەر ۇيىمداستىرۋ, بۇل ءبىرىنشى كەزەكتە اتا-انالارعا (ونىڭ ىشىندە حالىقتىڭ الەۋمەتتىك جاعىنان وسال توپتارىنا) بالالاردى جاڭا وقۋ جىلىنا تومەندەتىلگەن باعامەن دايىنداۋعا مۇمكىندىك بەرەدى.
يسم-ءنىڭ پىكىرىنشە, بارلىعى بىرگە ەلەكتروندىق كوممەرتسيانىڭ دامۋىنا ايتارلىقتاي سەرپىن بەرەدى, ناتيجەسىندە بۇل ستراتەگيالىق كورسەتكىشكە قول جەتكىزۋگە اكەلەدى.
