«رەسەي فەدەراتسياسىنىڭ بولجامىنشا, قىركۇيەك ايىنان باستاپ قانت ەكسپورتى اشىلماق. ويتكەنى بيىل قىزىلشا شىعىمى دا قاجەتتى دەڭگەيدە بولادى دەگەن جوسپار بار. سوندىقتان شىلدە, تامىز ايلارىندا قانت باعاسى جوعارى بولاتىن شىعار. ودان كەيىن بىرتىندەپ باعا ءتۇسىپ, نارىقتاعى احۋال قالىپقا تۇسەدى دەپ ويلايمىن», دەدى ەربول قاراشوكەەۆ ورتالىق كوممۋنيكاتسيالار قىزمەتىندەگى بريفينگىدە.
ونىڭ ايتۋىنشا, بۇل بولجام ورىندالۋى ءۇشىن جەرگىلىكتى اكىمدىكتەر نارىقتى ساۋاتتى رەتتەي الۋى قاجەت.
«قازىرگى ۇزىن-سونار كەزەك پەن دۇربەلەڭنىڭ ءبارى ارزان قانتتىڭ اينالاسىندا تۋىنداپ وتىر. ءتىپتى قىركۇيەك ايىندا دا قانتتى سىرتتان اكەلىپ, ازعانتاي بولىگىن وزىندىك قۇنىنان تومەن باعامەن ساتۋدى جالعاستىرساق, دۇربەلەڭ دە جالعاسادى. سوندىقتان قانتتى وزىندىك قۇنىنان ارزانعا ساتىپ, دۇربەلەڭ تۋعىزۋدى توقتاتقان كەزدە ماسەلە شەشىمىن تابادى», دەدى مينيستر.
