اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, 25 شىلدە كۇنى ساعات 19:30 شاماسىندا 64 جاستاعى تۇرعىن پوليتسياعا شاعىم تۇسىرگەن.
«اتىراۋ قالاسىنىڭ تۇرعىنى 1992 جىلى تۋعان قىزىنىڭ پاتەر ەسىگىن اشپاي جاتقانىن ايتقان. ىشىنەن كىلتتەۋلى تۇرعان پاتەردىڭ ەسىگىن اشۋ ءۇشىن وبلىستىق توتەنشە جاعدايلار دەپارتامەنتىنىڭ قىزمەتكەرلەرى شاقىرىلدى. پاتەردىڭ ىشىنەن 1992 جىلعى ايەل مەن 1996 جىلعى ەر ادامنىڭ مۇردەسى تابىلدى», دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
قازىر پوليتسيا قىزمەتكەرلەرى اتالعان دەرەككە قاتىستى قر قىلمىستىق كودەكستىڭ 99-بابىنىڭ 1-بولىگىمەن تەرگەۋ امالىن جۇرگىزۋدى باستادى. قايتىس بولعانداردىڭ ەرلى-زايىپتى ەكەنى انىقتالدى.
ەرلى-زايىپتىلاردىڭ ورتاق ءتورت بالاسى بار. اتالعان پاتەردى 1992 جىلعى ايەل ءبىر اي بۇرىن جالعا العان.
