جيىندا وسى جىلدىڭ ءبىرىنشى جارتىجىلدىعىنىڭ رەسپۋبليكا بويىنشا مەملەكەتتىك كىرىستەر ورگاندارىنىڭ جۇمىسى قورىتىندىلانىپ, ەكىنشى جارتىجىلدىققا مىندەتتەر انىقتالدى جانە تاپسىرمالار بەرىلدى.
«2022 جىلدىڭ 1 جارتىجىلدىعىنا مەملەكەتتىك بيۋدجەتكە سالىقتىق تۇسىمدەر بويىنشا جوسپار 106,4%-كە ورىندالىپ, 7,15 ترلن تەڭگە تۇسكەن. وتكەن جىلدىڭ سايكەس كەزەڭىمەن سالىستىرعاندا, مەملەكەتتىك بيۋدجەتكە سالىقتىق تۇسىمدەر 2,3 ترلن تەڭگەگە كوبەيىپ, 1,5 ەسەگە وسكەن», دەلىنگەن حابارلامادا.
كوميتەتتىڭ مالىمەتىنشە, اتالعان كەزەڭدە بيۋدجەتكە 567,2 ملرد تەڭگە سوماسىنداعى قوسىمشا رەزەرۆ تۇسىمدەرى قامتاماسىز ەتىلدى. كامەرالدىق باقىلاۋ مەن سالىق ءاۋديتىنىڭ تيىمدىلىگى 162,7 ملرد تەڭگەگە وسكەن.
«2022 جىلدىڭ 1 جارتىجىلدىعىندا مەملەكەتتىك كىرىستەر ورگاندارى سالىق جانە كەدەندىك باعىتتاعى 9,9 ملن مەملەكەتتىك قىزمەت كورسەتكەن, ونىڭ ىشىندە 99% ەلەكتروندى تۇردە بولعان. وتكەن جىلدىڭ سايكەس كەزەڭىمەن سالىستىرعاندا ەلەكتروندى قىزمەتتەر سانى 1,9%-كە وسكەن. ودان بولەك, مەملەكەتتىك كىرىستەر ورگاندارىنىڭ بايلانىس ورتالىعىنا كەڭەس الۋ ءۇشىن حابارلاسقان ازاماتتاردىڭ 97%-ءى وپەراتورلاردىڭ جۇمىسىنا وڭ باعا بەرگەن», دەپ اتاپ ءوتتى ۆەدومستۆو وكىلدەرى.
القا ءماجىلىسىنىڭ قورىتىندىسى بويىنشا اۋماقتىق دەپارتامەنتتەرگە سىبايلاس جەمقورلىقپەن كۇرەس, بيۋدجەتكە سالىق جانە كەدەندىك تۇسىمدەر جوسپارىن ورىنداۋ, سونداي-اق قوسىمشا رەزەرۆتەر ءتۇسىمىن قامتاماسىز ەتۋ جونىندەگى جۇمىستى جالعاستىرۋعا تاپسىرما بەرىلدى.
