باقىتگۇل حامەنوۆاعا قاتىستى قىلمىستىق ءىستى قاراۋ 2022 جىلعى 3 تامىزدا جەرگىلىكتى ۋاقىتپەن ساعات 9:30-عا بەلگىلەندى. سوت وتىرىسى اتىراۋ قالاسىنىڭ №2 سوتىندا وتەدى.
وبلىستىق سوتتىڭ ءباسپاسوز قىزمەتى حابارلاعانداي, بيىلعى 26 مامىردا اتىراۋ قالاسىنىڭ №2 سوتىنا قر قىلمىستىق كودەكسىنىڭ 366-بابىنىڭ 3-بولىگىنىڭ 2-تارماعىمەن اتىراۋ وبلىسى اكىمىنىڭ ورىنباسارى باقىتگۇل حامەنوۆاعا, اتىراۋ وبلىسى مادەنيەت, تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقاليەۆكە, قر قىلمىستىق كودەسىنىڭ 367-بابىنىڭ 2-بولىگىمەن «ب» جشس-ءنىڭ ديرەكتورىنا قاتىستى قىلمىستىق ءىس تۇسكەن.
وسىعان بايلانىستى باستى سوت وتىرىسىن 2022 جىلعى 14 ماۋسىمدا ساعات 14:45-تە وتكىزۋ بەلگىلەنگەن ەدى. الايدا, باقىتگۇل حامەنوۆانىڭ ىسىنە قاتىستى سوت وتىرىسى كەيىنگە شەگەرىلدى. بۇعان سۋديانىڭ وزگە قىلمىستىق ءىس بويىنشا كەڭەسۋ بولمەسىنە كەتۋى سەبەپ بولدى.
ەسكە سالا كەتسەك, اتىراۋ وبلىسى اكىمىنىڭ ورىنباسارى باقىتگۇل حامەنوۆا بىلتىرعى جەلتوقساندا قاماۋعا الىنعان. اتىراۋ وبلىسى اكىمىنىڭ ورىنباسارى مەن مادەنيەت, ارحيۆتەر جانە قۇجاتتاما باسقارماسىنىڭ باسشىسى پارا الۋ كۇدىگىنە ىلىنگەن. كۇدىكتىلەر اباي ەسكەرتكىشىن جاساۋ جانە ورناتۋ بويىنشا 145 ملن تەڭگە سوماسىنا مەملەكەتتىك ساتىپ الۋ شارتىن جاساعانى ءۇشىن ءبىر توپ اداممەن الدىن الا ءسوز بايلاسۋ ارقىلى جشس باسشىسىنان 4,5 ملن تەڭگە سوماسىندا پارا العان.
ونىمەن بىرگە مادەنيەت, ارحيۆتەر جانە قۇجاتتاما باسقارماسىنىڭ باسشىسى اقىلبەك رىسقاليەۆ پارا الۋ كۇدىگىنە ىلىنگەن. كۇدىكتىلەرگە اباي ەسكەرتكىشىن جاساۋ جانە ورناتۋ بويىنشا 145 ملن تەڭگە سوماسىنا مەملەكەتتىك ساتىپ الۋ شارتىن جاساعانى ءۇشىن ءبىر توپ اداممەن الدىن الا ءسوز بايلاسۋ ارقىلى جشس باسشىسىنان 4,5 ملن تەڭگە سوماسىندا پارا الۋ كۇدىگىمەن قىلمىستىق ءىس قوزعالدى.
