«بىزدە مەملەكەتتىك ۋنيۆەرسيتەتتى قۇرۋ ماسەلەسىن كوتەرگەن ەدىم. مۇنداي وقۋ ورىندارىنىڭ قاراجاتى كوبىرەك بولادى. ياعني, جاڭا قوندىرعى الۋ كەرەك, جاڭا وقىتۋ ءادىسى قامتىلۋى ءتيىس. پرەزيدەنت ۇكىمەتكە تەحنيكالىق ۋنيۆەرسيتەت اشۋ تاپسىرماسىن بەردى. جاقىندا عىلىم جانە جوعارى ءبىلىم مينيسترىمەن سويلەستىم. ولار بۇل ماسەلەنى قاراستىرىپ جاتقاندارىن ايتىپ وتىر», دەدى ب. ابدىعالي ۇلى وڭىرلىك كوممۋنيكاتسيالار قىزمەتىندە.
وسى ورايدا ول اتالعان ماسەلەنى شەشۋدىڭ جولىن ۇسىندى.
«ساتباەۆتا قازاقمىستىڭ كوللەدجى, پوليتەحنيكالىق كوللەدجى جانە تاۋ- كەن مەتاللۋرگيالىق كوللەدجى بار. بۇل وقۋ ورىندارىندا ءبىزدىڭ بالالار ءبىلىم الىپ جاتىر. الداعى ۋاقىتتا تەحنيكالىق ۋنيۆەرسيتەت اشىلاتىن بولسا, ءۇش كوللەدجدى بىرىكتىرىپ, ءبىر تەحنيكالىق جوعارى وقۋ ورنى ەتىپ باستاساق دەگەن جوسپار بار. ءۇش كوللەدجدىڭ نەگىزىندە مەملەكەتتىك وقۋ ورنى بولىپ قۇرىلسا, وندا بولاشاقتا ۇكىمەتتەن ۇلكەن جاڭا عيمارات پەن جاتاقحانا سالۋ ەسكەرىلەدى», دەدى وبلىس اكىمى.
