«سارىارقا» – براتينا كۋبوگىنىڭ يەگەرى

قاراعاندىنىڭ «سارىارقا» حوككەي كومانداسى بۇرناعى كۇنى جوعارى حوككەي ليگاسى (جكح) پلەي-وفف سەرياسىنىڭ فينالدىق ماتچىنىڭ جالپى قورىتىندىسىندا تۇمەننىڭ «رۋبين» جاساعىن 4:2 ەتىپ ۇتىپ, براتينا كۋبوگىنىڭ يەگەرى اتاندى. وسىلايشا قاراعاندىلىقتار رەسەيدىڭ جوعارى حوككەي ليگاسىنا قاتىسىپ جۇرگەن شەت­ەلدەر جاماعاتتارى اراسىندا ءبىرىنشى بولىپ اتالمىش بەلەستى باعىندىردى. كەنشىلەر قالاسى حوككەيشىلەر ۇجىمىن وسىناۋ زور جەتىستىگىمەن مەملەكەت باسشىسى نۇرسۇلتان نازارباەۆ سول كۇنى قۇتتىقتادى. ايتا كەتۋىمىز كەرەك, سەرياداعى التىنشى سوڭعى كەزدەسۋ قاراعاندى قالاسىندا ءوتتى. اسا تارتىس ۇستىندە ورنەكتەلگەن ماتچتىڭ اقىرىندا الاڭ يەلەرى 2:1 ەسەبىمەن جەڭىسكە جەتتى. بۇل جالپى ەسەپتىڭ 4:2 بولۋىن قامتاماسىز ەتتى. ال جەڭىمپازداردان شايبانى سەرگەي ەليزاروۆ پەن ۆلاديسلاۆ لۋكين سالسا, قوناقتاردان الەكساندر نەزناموۆ كوزگە ءتۇستى. سول سياقتى «سارىارقانىڭ» شابۋىلشىسى كونستانتين ماكاروۆ براتينا كۋبوگىنىڭ ەڭ قۇندى ويىنشىسى اتاندى. وسى جەڭىستى سەريا اياقتالعان بويدا جوعارى حوككەي ليگاسىنىڭ باسقارۋشى ديرەكتورى گەرمان سكوروپۋپوۆ قاتارىنان ەكىنشى جىل براتينا كۋبوگىنىڭ فينالىندا شايقاسىپ, ونىڭ سوڭعىسىندا دىتتەگەن بيىگىنە جەتكەن «سارىارقا» كلۋبىن قۇرلىقتىق حوككەي ليگاسىنا (كحل) جىبەرۋگە دايىن ەكەنىن ءبىلدىردى. دامير قوجامقۇل.