كوكتەمگى كەزەڭدە تۇركىستان وبلىسىندا 1,4 ملن باس ءىرى مال مەن 4,5 ملن باس ۇساق مال زالالسىزداندىرىلعان. ماماندار جۇرگىزگەن ساراپتاۋ قورىتىندىسى كورسەتكەندەي, ينەكتسيالاۋ وڭ ناتيجە بەردى. ال ەندى ينەكتسيالاۋدىڭ ەكىنشى كەزەڭى قولعا الىنباقشى. بۇل رەتتە ۇيىرگەلىك قورا-جايلاردى زالالسىزداندىرۋعا ەرەكشە نازار اۋدارىلادى.
كەنەگە قارسى زالالسىزداندىرۋ جۇمىستارىنىڭ ساپاسى مەن تيىمدىلىگىن انىقتاۋ بويىنشا اۋدان, قالالاردا ءتيىستى مەكەمە قىزمەتكەرلەرىنىڭ قاتىسۋىمەن ارنايى كوميسسيا قۇرىلىپ ۇلگەردى. بۇل سالا ماماندارىنىڭ جۇمىسى قاتاڭ قاداعالاناتىنىن بىلدىرەدى.
ايتا كەتسەك, بيىل دا كونگو-قىرىم قاندى بەزگەگىنىڭ تابيعي وشاقتارىندا ورنالاسقان ەلدى مەكەندەردى قورعاۋ بويىنشا جوسپارلى شارالار جالعاسادى.
