اۋەجايدىڭ ءباسپاسوز قىزمەتىنىڭ مالىمەتىنشە, 15 شىلدەدەن 8 تامىزعا دەيىنگى ارالىقتا ەلوردالىق اۋەجايدا ۇشۋ-قونۋ جولاعىنا جوندەۋ جۇمىستارى جۇرگىزىلەدى. نىساننىڭ جۇمىس ۋاقىتى جەتى ساعاتقا قىسقارادى, ياعني, نۇر-سۇلتاننان ۇشۋعا نەمەسە نۇر-سۇلتانعا تەك تاڭەرتەڭ, كەشكە نەمەسە تۇندە ۇشۋعا بولادى. 11.00-دەن 18.00-گە دەيىن رەيستەر بولمايدى. 75 رەيستىڭ 20-سىنىڭ كەستەسى وزگەرەدى.
«ۇشۋ قاۋىپسىزدىگىن قامتاماسىز ەتۋ ماقساتىندا اتالعان جوندەۋ جىل سايىن جۇرگىزىلەدى. جوندەۋ جۇمىستارىن جۇرگىزۋ تۋرالى شەشىمدى اۋەجاي وسى جىلدىڭ اقپانىندا قابىلدادى, سودان كەيىن جۇمىس كەستەسى تۋرالى اقپارات اۋەكومپانيالارعا ۋاقىتىلى جىبەرىلدى. تاسىمالداۋشىلار اۋەجايدان الىنعان حابارلاما نەگىزىندە رەيستەر كەستەسىنە وزگەرىستەر ەنگىزدى», دەلىنگەن حابارلامادا.
