سالتاناتتى ءراسىم «استانا وپەرا» مەملەكەتتىك وپەرا جانە بالەت تەاترىندا ءوتتى. تۇلەكتەرگە ارناعان سوزىندە ەرالى توعجانوۆ ەلىمىزدىڭ دەنساۋلىق ساقتاۋ جانە ءبىلىم بەرۋ سالاسىنداعى بىرقاتار جەتىستىكتەرىن, سونداي-اق ۋنيۆەرسيتەت ستۋدەنتتەرىنىڭ پاندەميامەن كۇرەسكە اتسالىسقانىن ەرەكشە اتاپ ءوتتى.
«قىزىل ديپلوم الۋ ءۇشىن قانشالىقتى تەر توگىلگەنىن بىلەمىن. مەديتسينا ماماندىعىن مەڭگەرۋ قيىن. بۇكىل ەل COVID-19 پاندەمياسىنا قارسى تۇرعان كەزدە, سەندەر جاستارىڭا قاراماي, ۆيرۋسپەن كۇرەسۋگە اعا تولقىنمەن قاتار ات سالىستىڭدار. وقۋدى ءساتتى اياقتاعاندارىڭا وتە قۋانىشتىمىن», دەدى ول.
دەنساۋلىق ساقتاۋ جۇيەسىن دامىتۋداعى ۋنيۆەرسيتەتتىڭ ءرولىن قر دەنساۋلىق ساقتاۋ ۆيتسە-ءمينيسترى ۆياچەسلاۆ دۋدنيك تە اتاپ ءوتتى.
«مەن ۋنيۆەرسيتەتتىڭ تابىستى دامۋى ادامي كاپيتالدىڭ وسۋىنە ودان ءارى ىقپال ەتەتىنىنە جانە زاماننىڭ سىنىنا قارسى تۇرۋ ءۇشىن وتاندىق دەنساۋلىق ساقتاۋدى الەمدىك دەڭگەيگە شىعارۋعا مۇمكىندىك بەرەتىنىنە سەنىمدىمىن», دەدى ۆياچەسلاۆ دۋدنيك.
ەلوردا اكىمى التاي كولگىنوۆ تە استمۋ تۇلەكتەرىنە اق جول تىلەدى.
«جىل سايىن ەلوردانىڭ مەديتسينالىق مەكەمەلەرى زاماناۋي دياگنوستيكالىق تەحنيكامەن جابدىقتالادى, ءبىز ەلوردانىڭ ءاربىر تۇرعىنى جايلى ءومىر ءسۇرىپ, جۇمىس ىستەۋى ءۇشىن بارلىق شارالاردى قابىلداۋدامىز كەرەك. قالادا 21 مىڭنان استام مەديتسينالىق ۇيىم جۇمىس ىستەيدى, وندا 5 مىڭنان استام دارىگەر جۇمىس قىزمەت ەتەدى. ەلىمىزدىڭ ۇزدىك مەديتسينالىق جوعارى وقۋ ورىندارىنىڭ ءبىرىنىڭ ءاربىر ءتورتىنشى ستۋدەنتى نۇر-سۇلتان قالاسىندا قالاتىنىنا قۋانىشتىمىن, سىزدەر ەلوردامىزدىڭ عانا ەمەس, بۇكىل قازاقستاننىڭ ماقتانىشىنا اينالاتىندارىڭىزعا سەنىمدىمىن», دەدى اكىم.
ءوز كەزەگىندە استمۋ باسقارما توراعاسى-رەكتورى كامالجان نادىروۆ قۇتتىقتاۋ سوزىندە ديپلوم تاپسىرۋ ءراسىمى ۋنيۆەرسيتەت ءۇشىن عانا ەمەس, بۇكىل رەسپۋبليكا ءۇشىن ماڭىزدى وقيعا ەكەنىن اتاپ ءوتتى.
«دەنساۋلىق ساقتاۋ سالاسى ۇلت دەنساۋلىعى ءۇشىن ءوزىنىڭ كرەاتيۆتى ءارى زاماناۋي ءتاسىلىن ەنگىزۋگە قابىلەتتى, جاس كادرلارمەن تولىعۋدا. ديپلوم الۋ تابىسقا كەپىلدىك بەرمەيدى. سىزدەر ءالى قيىن دا, قىزىقتى جۇمىسقا كىرىسەسىزدەر. اق حالاتقا كىر كەلتىرمەي, ابزال ماماندىققا سوڭىنا دەيىن ادال بولىڭىزدار!», دەدى ول تۇلەكتەرگە.
سالتاناتتى كەشتە «جالپى مەديتسينا», «ستوماتولوگيا» ماماندىقتارى بويىنشا ينتەرناتۋرا جانە «جالپى مەديتسينا», «ستوماتولوگيا», «فارماتسيا», «قوعامدىق دەنساۋلىق ساقتاۋ», «مەيىربيكە ءىسى» ماماندىقتارى بويىنشا باكالاۆريات پەن شەتەلدىكتەردەن «جالپى مەديتسينا» مەن «ستوماتولوگيا» ماماندىقتارىن تامامداعان ستۋدەنتتەر ديپلوم الدى.
ايتا كەتسەك, پاندەميامەن كۇرەستە ەرەكشە كوزگە تۇسكەن جوو-نىڭ 20 ستۋدەنتى ەلىمىزدىڭ پرەزيدەنتىنىڭ جارلىعىمەن بەكىتىلگەن «حالىق العىسى» مەملەكەتتىك مەدالىمەن ماراپاتتالدى.
ستۋدەنتتەردى قۇتتىقتاۋعا ەلىمىزدىڭ ساياسي قايراتكەرلەرى, قر پارلامەنتىنىڭ وكىلدەرى, دەنساۋلىق ساقتاۋ مينيسترلىگىنىڭ, جوعارى ءبىلىم جانە عىلىم مينيسترلىگىنىڭ باسشىلارى, ەلوردا اكىمى, مەديتسينالىق جوعارى وقۋ ورىندارىنىڭ رەكتورلارى مەن ەمدەۋ مەكەمەلەرىنىڭ باس دارىگەرلەرى كەلدى.
