سپيكەردىڭ ايتۋىنشا, 2018 جىلدان باستاپ جەكەمەنشىك سەكتوردىڭ اۋقىمدى قاتىسۋىن كوزدەيتىن مەملەكەتتىك تاپسىرىس تەتىگى دايارلاندى.
ء«بىز ينۆەستورلار مەن جەكە كاسىپكەرلەردى مەملەكەتتىڭ قارجىلىق قولداۋىمەن ستۋدەنتتىك جاتاقحانا قۇرىلىسىنا قارجى سالۋعا شاقىرامىز. بۇل جوباعا الەۋمەتتىك نىساندى سالۋشى رەتىندە عانا ەمەس, تابىستى جانە كەلەشەگى مول بيزنەس جوبا رەتىندە قاراعان ءجون», دەدى ول.
جيىندا الماتىلىق ستۋدەنتتەر جاتاقحاناعا كوبىرەك مۇقتاج ەكەنى ايتىلدى.
«قازىر ەلىمىز بويىنشا 84 مىڭنان استام ستۋدەنت جاتاقحاناعا مۇقتاج. ونىڭ ىشىندە الماتى قالاسىندا 40 مىڭنان استام ستۋدەنتكە جاتاقحانا قاجەت. سەبەبى جوعارى وقۋ ورنىدارىنىڭ باسىم بولىگى الماتىدا شوعىرلانعان. ايتا كەتسەك, بۇل باستاماعا 152 ملرد تەڭگە قاراستىرىلعان», دەپ قوستى اينۇر ساعىندىقوۆا.
