كەڭەستە وبلىس اكىمى جەڭىس قاسىمبەك, يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ, ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ, وقۋ-اعارتۋ ءبىرىنشى ۆيتسە-ءمينيسترى شولپان كارينوۆا بايانداما جاسادى.
پرەمەر-مينيستر سوڭعى ۋاقىتتا قاراعاندى وبلىسىندا ءورت جانە سۋداعى جازاتايىم وقيعالارمەن, سونداي-اق كاسىپورىندارداعى وقيعالارمەن بايلانىستى توتەنشە جاعدايلار جيىلەپ كەتكەنىن اتاپ ءوتتى.
«توتەنشە جاعدايلار مينيسترلىگى وبلىس اكىمدىگىمەن بىرلەسىپ, وڭىردەگى قاۋىپسىزدىكتىڭ ءتيىستى دەڭگەيىن قامتاماسىز ەتۋ بويىنشا بارلىق قاجەتتى شارالاردى قابىلداسىن», دەپ تاپسىردى ءاليحان سمايىلوۆ.
ۇكىمەت باسشىسى 2022 جىلى قاراعاندى وبلىسىن دامىتۋعا 176 ملرد تەڭگەدەن استام قاراجات قاراستىرىلعانىن ەسكە سالدى. سونىمەن قاتار رەسپۋبليكالىق بيۋدجەتتى ناقتىلاۋ اياسىندا وڭىرگە قوسىمشا 48 ملرد تەڭگەدەن استام قاراجات بولىنگەن.
«بۇل شىعىستار ينجەنەرلىك ينفراقۇرىلىمدى جانە ينفراقۇرىلىمدىق جوبالاردى دامىتۋعا, اگروونەركاسىپتىك كەشەندى قولداۋعا جانە ءوڭىردىڭ الەۋمەتتىك قاجەتتىلىكتەرىنە باعىتتالعان. اكىمدىك ساپالى ناتيجەگە قول جەتكىزۋدى قامتاماسىز ەتە وتىرىپ, وسى قاراجاتتىڭ ماقساتتى پايدالانىلۋى مەن ءتيىمدى يگەرىلۋىن قامتاماسىز ەتۋى قاجەت», دەدى پرەمەر-مينيستر.
سونىمەن قاتار ءاليحان سمايىلوۆ ازىق-ت ۇلىك باعاسىنىڭ نەگىزسىز وسۋىنە جول بەرمەۋ بويىنشا جوسپارلى جۇمىس جۇرگىزۋ قاجەتتىگىن ەسكە سالدى.
وسىعان بايلانىستى ۇكىمەت باسشىسى ۇستەمە باعالاردى باقىلاۋدى كۇشەيتۋدى جانە «اينالىم سحەماسىن», وڭتۇستىك وڭىرلەر مەن تاياۋ شەتەل فەرمەرلەرىمەن تىكەلەي شارتتاردى, سونداي-اق اۋىل شارۋاشىلىعى ونىمدەرىن جەتكىزۋگە فورۆاردتىق كەلىسىمشارتتاردى قوسا العاندا, قولجەتىمدى نارىقتىق تەتىكتەردى بەلسەندى قولدانۋدى تاپسىردى.
پرەمەر-مينيستر ءوڭىر ەكونوميكاسىن ءارتاراپتاندىرۋدىڭ ەڭ وزەكتى ماسەلە ەكەنىن اتاپ ءوتتى.
وسى ماقساتتا بيىل جەكە ينۆەستيتسيالار ەسەبىنەن 222 ملرد تەڭگەگە جۋىق سوماعا 12 جوبانى اياقتاۋ جوسپارلانىپ وتىر. سونداي-اق 874 ملرد تەڭگەدەن استام سوماعا تاعى 34 جوبا پىسىقتالىپ جاتىر.
«بۇل جوبالار اگروونەركاسىپ كەشەنى, ماشينا جاساۋ, مەتاللۋرگيا, ەنەرگەتيكا, قۇرىلىس يندۋسترياسى جانە قاعاز ونەركاسىبى سياقتى سالالاردا ىسكە اسىرىلادى. وبلىس اكىمدىگى بارلىق جوبالاردى مەرزىمىندە ىسكە قوسىپ, ساپالى جۇزەگە اسۋىن قامتاماسىز ەتۋى قاجەت», دەدى ءاليحان سمايىلوۆ.
كەڭەس قورىتىندىسى بويىنشا پرەمەر-مينيستر مەملەكەتتىك ورگاندار مەن اكىمدىككە تاعى دا بىرقاتار تاپسىرما بەردى. اتاپ ايتقاندا, جولداردىڭ نورماتيۆتىك جاعدايىن جاقسارتۋ, جەزقازعان-قاراعاندى اۆتوجولىنىڭ ۋچاسكەسىن رەكونسترۋكتسيالاۋ بويىنشا جسق ازىرلەۋدى اياقتاپ, قۇرىلىس-مونتاجداۋ جۇمىستارىن كەزەڭ-كەزەڭىمەن باستاۋ, سونداي-اق قاراعاندى قالاسىنىڭ تۇرعىن ءۇي الاپتارىن جىلۋمەن جابدىقتاۋدىڭ ماگيسترالدىق جەلىلەرىن سالۋ جوباسىن اياقتاۋ بويىنشا ۇسىنىستار ەنگىزۋ كەرەك.
ەڭبەك جانە حالىقتى الەۋمەتتىك قورعاۋ مينيسترلىگىنە «اتامەكەن» پالاتاسىمەن جانە كاسىپوداقتار فەدەراتسياسىمەن بىرلەسىپ, ارالاس جاۋاپكەرشىلىكتى قولدانۋ كەزىندە قىزمەتكەردىڭ كىناسىنىڭ ەڭ جوعارى شەگىن بەلگىلەۋ بويىنشا بىرىڭعاي ۇستانىمدى ازىرلەۋ جانە جازاتايىم وقيعالار جونىندەگى زاڭنامانى جەتىلدىرۋ بويىنشا تاسىلدەردى ازىرلەۋ تاپسىرىلدى.
قاراعاندى وبلىسىنىڭ اكىمدىگىنە وقۋ-اعارتۋ مينيسترلىگىمەن بىرلەسىپ, 2022 جىلدىڭ سوڭىنا دەيىن مەكتەپكە دەيىنگى ءبىلىم بەرۋگە مەملەكەتتىك تاپسىرىستى ورنالاستىرا وتىرىپ, 14 بالاباقشانى پايدالانۋعا بەرۋدى قامتاماسىز ەتۋ تاپسىرىلدى.
ء«بىز كۇش بىرىكتىرە وتىرىپ, قاراعاندى وبلىسىنىڭ دامۋىنا اتسالىسۋىمىز كەرەك. حالىقتىڭ ءال-اۋقاتىنىڭ ارتۋى, ءومىر ءسۇرۋ ساپاسىنىڭ جاقسارۋى وسىعان تىكەلەي بايلانىستى», دەدى ءاليحان سمايىلوۆ.
پرەمەر-مينيستر قاراعاندىدا ءتۇرلى باعىتتاعى digital-مامانداردى وقىتاتىن «تەرريكونوۆايا دولينا» IT-Hub-نا باردى.
«بۇگىندە مەملەكەت IT-كومپانيالارعا كوپتەگەن پرەفەرەنتسيالار ۇسىنادى جانە بيزنەس-ينكۋباتسيالاۋدىڭ ءتۇرلى باعدارلامالارىن جۇرگىزەدى. بۇل – ەلىمىزدە, ونىڭ ىشىندە جاستار اراسىندا تەحنولوگيالىق كاسىپكەرلىكتىڭ ەكوجۇيەسىن قالىپتاستىرۋ بويىنشا ماڭىزدى قادامدار. وسى باعىتتاعى جۇمىستى بارلىق وڭىردە جەكە سەرىكتەستەرمەن بىرلەسىپ جالعاستىرۋ قاجەت», دەدى ۇكىمەت باسشىسى.
ايانا توعانبەك
