«حالىقتىڭ جىل سايىنعى ءوسۋىن ەسكەرە وتىرىپ, الەۋمەتتىك نىساندارعا, ونىڭ ىشىندە وقۋ ورىندارىنا دەگەن سۇرانىس ارتىپ كەلەدى. جوسپارلى تۇردە وقۋشىلاردى ءتيىستى وقۋ ورندارىمەن قامتاماسىز ەتۋ جانە جۇمىس ىستەپ تۇرعان ورىندارعا ارتىلىپ جاتقان ارتىق جۇكتەمەنى الىپ تاستاۋ ءۇشىن جىل سايىن كەمىندە 10 مەكتەپ سالۋ قاجەت. 3 جىل ىشىندە 34 مەكتەپ سالىنىپ, پايدالانۋعا بەرىلدى. اتالعان وقۋ ورىندارى 70 مىڭ وقۋشى ورنىن قۇرۋعا مۇمكىندىك بەردى.
وقۋ ورىندارى قالانىڭ بارلىق اۋدانىندا سالىنىپ جاتىر. مىسالى سوڭعى 2 جىلدىڭ وزىندە حالىق تىعىز قونىستانعان ەسىل اۋدانىندا – 12 مەكتەپ, الماتى اۋدانىندا – 7, بايقوڭىر اۋدانىندا – 4, سارىارقا اۋدانىندا 2 مەكتەپ سالىندى. بيىل قالادا تاعى 11 مەكتەپ سالىنادى. اتالعان وقۋ ورىندارى قوسىمشا 20 مىڭنان استام وقۋشى ورنىن اشۋعا مۇمكىندىك بەرەدى», دەدى ەلوردا اكىمى التاي كولگىنوۆ.
مىسالى №65 مەكتەپتىڭ (سارىارقا اۋدانى) ەرەكشەلىگى – مۇندا ينكليۋزيۆتى ءبىلىم بەرۋ بار. بۇل مەكتەپتە ەستۋ, تىرەك-قيمىل اپپاراتى بۇزىلعان بالالار وقيدى. مۇندا بارلىعى 3 مىڭنان استام وقۋشى ءبىلىم الىپ ءجۇر, بۇل وقۋ ورنىنا جۇكتەلگەن ءتيىستى جۇكتەمەدەن اسىپ تۇسەدى. مەكتەپتىڭ قۋاتىن ارتتىرۋ ءۇشىن جانىنان جاڭا كورپۋس سالىنىپ جاتىر. ول تاعى 1200 وقۋشى ورنىن (ەكى اۋىسىمدا) قۇرۋعا مۇمكىندىك بەرەدى. سونداي-اق №59 مەكتەپ-ليتسەيدىڭ (ساۋران كوشەسى) اۋماعىندا جاڭا كورپۋستىڭ قۇرىلىسى باستالدى. بيىل بارلىعى 20 مىڭنان استام وقۋشى ورنى اشىلادى.
ايانا توعانبەك
