وتكەن سەنبىدە شىعىس قازاقستان وبلىسى اقسۋات اۋىلىندا قازاق كۇرەسىنىڭ مەرەيىن كوتەرگەن ءدۇبىرلى دودا ءوتتى. قازاقشا كۇرەس دەسە قانى قىزبايتىن قازاق جوق. ءبىز دە باسەكەنى تاماشالاۋ ماقساتىندا تارباعاتاي اۋدانىنا ارنايى باردىق. بيىل ەكىنشى مارتە ۇيىمداستىرىلعان ىرعىزباي دوسقانا ۇلى اتىنداعى ءتۋرنيردىڭ جاڭالىعى كوپ. بىلتىر استانا مەن الماتى جانە ەلىمىزدىڭ 14 وبلىسىنان بالۋاندار قاتىسىپ, رەسپۋبليكالىق دارەجەدە تۇساۋىن كەسكەن تۋرنير بيىل حالىقارالىق سيپات الدى.
بارقىتبەل باۋرايىنداعى بايراقتى باسەكەگە جيىنى 45 بالۋان قاتىستى. ارمەنيا, گرۋزيا, رەسەي, وزبەكستان, تاجىكستان, قىرعىزستان, موڭعوليا, قىتاي, ليتۆا ەلدەرىمەن قاتار ءوزىمىزدىڭ جىگىتتەر دە قازاقستاننىڭ نامىسىن قورعادى. جارىستى وبلىس اكىمى بەردىبەك ساپارباەۆ, FILA حالىقارالىق كۇرەس تۇرلەرى قاۋىمداستىعىنىڭ كوميتەت ءتوراعاسى گينتاۋتاس ۆيلەيتا, دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ, سونداي-اق, سپورت جاناشىرلارى مەن اۋدان جۇرتشىلىعى تاماشالادى.
بوز كىلەمدەگى باسەكەگە كەلسەك, سالماعى 90 كيلوعا دەيىنگى سپورتشىلار اراسىندا اقتىق سىندا الماتى وبلىسىنىڭ بالۋانى سايات شامشيەۆ پەن شىعىس قازاقستاننىڭ نامىسىن قورعاعان قۋانىش مۇراتوۆ كەزدەستى. كوپتەگەن الەمدىك جارىستاردىڭ جەڭىمپازى بولىپ جۇرگەن قوس بالۋان اراسىنداعى تايتالاس وتە قىزۋ ءوتتى. تارباعاتايلىق قۋانىشقا جەرلەستەرىنىڭ جانكۇيەرلىگى دەم بەرىپ, «وگىز بالۋان» اتاعىن جەڭىپ الدى. ال ءۇشىنشى ورىن ءۇشىن بولعان بەلدەسۋدە رەسەيلىك ارتەم كوۆالەۆسكيدى وزبەكستاندىق وليم روۆشانوۆ ۇتتى.
ەكى كۇندىك جارىستا ەرەكشە كۇتكەن سىن – 90 كيلو سالماقتان جوعارى سپورتشىلار اراسىنداعى «تۇيە بالۋان» اتاعىنا تالاس بولدى. ۇمىتكەرلەر ساپىنداعى «قازاقستان بارىسى – 2012» تۋرنيرىنىڭ جەڭىمپازى بەيبىت ىستىباەۆ بۇل كەزەڭگە جەتە المادى. شىعىسقازاقستاندىق مەرەكە تۇراشەۆتى ۇتقان وزبەكستاندىق اۆوزحان تايمۇراتوۆ ءۇشىنشى ورىندى ەنشىلەدى. فينالدىق كەزدەسۋگە قوس شىعىسقازاقستاندىق شىقتى. ولار وتكەن جىلى «قازاقستان بارىسى» تۋرنيرىندە شىعىستىڭ نامىسىن قورعاعان ايبەك نۇعىماروۆ پەن مۇحيت تۇرسىنوۆ بولاتىن. ايبەكتىڭ اتالعان تۋرنيردە توپ جارعانىن بارشا سپورت جانكۇيەرلەرى بىلەدى. قارسىلاسى مۇحيت تا وسال ەمەس. بىلتىر «شىعىس بارىسى» وبلىستىق ىرىكتەۋ سىنىندا ەكەۋىنىڭ بەلدەسۋىن تاماشالاعانبىز. ءبىر-بىرىنە سىرالعى, ءادىس-تاسىلدەرىنە جەتىك بالۋانداردىڭ جاتتىقتىرۋشىلارى – ورتاق, وزدەرى – جاقىن دوس.
دەسە دە, بوز كىلەمدە جولدارى تۇيىسكەن سوڭ ەكەۋى دە ايانىپ قالعان جوق. بۋرا ساندى, اتان جىلىكتى جىگىتتەر اڭىسىن اڭداۋدى ۇزاققا سوزبادى. الدىمەن مۇحيت بۇك ۇپاي ەنشىلەدى. كەلەسى كەزەكتە ايبەكتىڭ جاساعان ءادىسىن تورەشىلەر جارامسىز دەپ تانىدى. بۇلشىق ەت جىرتىلار قارماسۋدان سوڭ ايبەك تە بۇك ۇپاي الدى. ەسەپ تەڭەستى. بەلگىلەنگەن ۋاقىتتا ءبىر-بىرىنەن ايلاسىن دا, كۇشىن دە اسىرا الماعان بالۋاندارعا تورەشىلەر بەلدەسۋ بەلگىلەدى. مۇحيتتى قاپسىرا قۇشاقتاپ تىك كوتەرىپ العان ايبەك كىلەمنىڭ شەتىنەن اسىرا اپارىپ تاستادى. جەڭىس! وسىلايشا, تۇيە بالۋان اتانعان ايبەك 10 مىڭ اقش دوللارىن ۇتىپ الدى. جوباعا دەمەۋشىلىك ەتكەن «قازتسينك» كومپانياسى باسقا جەڭىمپازدارعا دا قوماقتى اقشالاي سىيلىقتار تابىس ەتتى.
دۋمان اناش,
«ەگەمەن قازاقستان».
شىعىس قازاقستان وبلىسى,
تارباعاتاي اۋدانى.
بارقىتبەل باۋرايىنداعى بايراقتى باسەكەگە جيىنى 45 بالۋان قاتىستى. ارمەنيا, گرۋزيا, رەسەي, وزبەكستان, تاجىكستان, قىرعىزستان, موڭعوليا, قىتاي, ليتۆا ەلدەرىمەن قاتار ءوزىمىزدىڭ جىگىتتەر دە قازاقستاننىڭ نامىسىن قورعادى. جارىستى وبلىس اكىمى بەردىبەك ساپارباەۆ, FILA حالىقارالىق كۇرەس تۇرلەرى قاۋىمداستىعىنىڭ كوميتەت ءتوراعاسى گينتاۋتاس ۆيلەيتا, دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ, سونداي-اق, سپورت جاناشىرلارى مەن اۋدان جۇرتشىلىعى تاماشالادى.
بوز كىلەمدەگى باسەكەگە كەلسەك, سالماعى 90 كيلوعا دەيىنگى سپورتشىلار اراسىندا اقتىق سىندا الماتى وبلىسىنىڭ بالۋانى سايات شامشيەۆ پەن شىعىس قازاقستاننىڭ نامىسىن قورعاعان قۋانىش مۇراتوۆ كەزدەستى. كوپتەگەن الەمدىك جارىستاردىڭ جەڭىمپازى بولىپ جۇرگەن قوس بالۋان اراسىنداعى تايتالاس وتە قىزۋ ءوتتى. تارباعاتايلىق قۋانىشقا جەرلەستەرىنىڭ جانكۇيەرلىگى دەم بەرىپ, «وگىز بالۋان» اتاعىن جەڭىپ الدى. ال ءۇشىنشى ورىن ءۇشىن بولعان بەلدەسۋدە رەسەيلىك ارتەم كوۆالەۆسكيدى وزبەكستاندىق وليم روۆشانوۆ ۇتتى.
ەكى كۇندىك جارىستا ەرەكشە كۇتكەن سىن – 90 كيلو سالماقتان جوعارى سپورتشىلار اراسىنداعى «تۇيە بالۋان» اتاعىنا تالاس بولدى. ۇمىتكەرلەر ساپىنداعى «قازاقستان بارىسى – 2012» تۋرنيرىنىڭ جەڭىمپازى بەيبىت ىستىباەۆ بۇل كەزەڭگە جەتە المادى. شىعىسقازاقستاندىق مەرەكە تۇراشەۆتى ۇتقان وزبەكستاندىق اۆوزحان تايمۇراتوۆ ءۇشىنشى ورىندى ەنشىلەدى. فينالدىق كەزدەسۋگە قوس شىعىسقازاقستاندىق شىقتى. ولار وتكەن جىلى «قازاقستان بارىسى» تۋرنيرىندە شىعىستىڭ نامىسىن قورعاعان ايبەك نۇعىماروۆ پەن مۇحيت تۇرسىنوۆ بولاتىن. ايبەكتىڭ اتالعان تۋرنيردە توپ جارعانىن بارشا سپورت جانكۇيەرلەرى بىلەدى. قارسىلاسى مۇحيت تا وسال ەمەس. بىلتىر «شىعىس بارىسى» وبلىستىق ىرىكتەۋ سىنىندا ەكەۋىنىڭ بەلدەسۋىن تاماشالاعانبىز. ءبىر-بىرىنە سىرالعى, ءادىس-تاسىلدەرىنە جەتىك بالۋانداردىڭ جاتتىقتىرۋشىلارى – ورتاق, وزدەرى – جاقىن دوس.
دەسە دە, بوز كىلەمدە جولدارى تۇيىسكەن سوڭ ەكەۋى دە ايانىپ قالعان جوق. بۋرا ساندى, اتان جىلىكتى جىگىتتەر اڭىسىن اڭداۋدى ۇزاققا سوزبادى. الدىمەن مۇحيت بۇك ۇپاي ەنشىلەدى. كەلەسى كەزەكتە ايبەكتىڭ جاساعان ءادىسىن تورەشىلەر جارامسىز دەپ تانىدى. بۇلشىق ەت جىرتىلار قارماسۋدان سوڭ ايبەك تە بۇك ۇپاي الدى. ەسەپ تەڭەستى. بەلگىلەنگەن ۋاقىتتا ءبىر-بىرىنەن ايلاسىن دا, كۇشىن دە اسىرا الماعان بالۋاندارعا تورەشىلەر بەلدەسۋ بەلگىلەدى. مۇحيتتى قاپسىرا قۇشاقتاپ تىك كوتەرىپ العان ايبەك كىلەمنىڭ شەتىنەن اسىرا اپارىپ تاستادى. جەڭىس! وسىلايشا, تۇيە بالۋان اتانعان ايبەك 10 مىڭ اقش دوللارىن ۇتىپ الدى. جوباعا دەمەۋشىلىك ەتكەن «قازتسينك» كومپانياسى باسقا جەڭىمپازدارعا دا قوماقتى اقشالاي سىيلىقتار تابىس ەتتى.
دۋمان اناش,
«ەگەمەن قازاقستان».
شىعىس قازاقستان وبلىسى,
تارباعاتاي اۋدانى.
