بيۋرو مالىمەتىنە قاراعاندا, 1998 جىلى ەل استاناسى اتانعان اقمولا قالاسىندا 326 مىڭ ادام تۇرعان. سودان بەرى ەلوردا تۇرعىندارىنىڭ سانى 4 ەسەگە جۋىق ءوسىپ, قازىر 1 ملن 262 مىڭ ادامعا جەتتى.
استانادا ايەل ادامداردىڭ سانى باسىم. ەگەر سول ۋاقىتتا قالادا 174 مىڭ ايەل جانە 152 مىڭ ەر ادام تۇرعان بولسا, قازىر ايەلدەر سانى – 657 مىڭ (52%), ەرلەر – 605 مىڭ (48%).
1998 جىلى ەلوردادا 3 400 بالا دۇنيەگە كەلسە, 2021 جىلى 31 مىڭ بالا تۋعان, وسىلايشا تۋ كوەففيتسيەنتى 11-دەن 25,9-عا (مىڭ ادامعا شاققاندا) دەيىن ءوستى.
1998 جىلى قالادا 48 جالپى ءبىلىم بەرەتىن مەكتەپ جۇمىس ىستەگەن. قازىر ولاردىڭ سانى – 147. ال, اۋرۋحانا ۇيىمدارىنىڭ سانى 15-تەن 45-كە دەيىن ارتتى.
