ەكونوميكا • 05 شىلدە، 2022

تۇرىكمەنستاندا قازاقستاندىق بيدايعا ارنالعان ەلەۆاتور سالىنادى

22 رەت كورسەتىلدى

تۇرىكمەنستاننىڭ مارى وبلىسىنىڭ سەرحەتاباد اۋدانىندا 100 مىڭ توننا قازاقستاندىق بيدايدى ساقتاۋعا ارنالعان ەلەۆاتور سالىنادى. بۇل تۋرالى تۇرىكمەنستاننىڭ اوك ماسەلەلەرى جونىندەگى ۆيتسە-پرەمەرى انناگەلدى يازميرادوۆ مالىمدەدى، دەپ حابارلايدى Egemen.kz.

وrient.tm جازعانداي، تۇرىكمەنستان ارقىلى اۋعانستانعا بيداي مەن ۇن ءترانزيتى بويىنشا قازاقستانمەن ىنتىماقتاستىق ورناتۋ ءۇشىن بيداي ساقتاۋعا ارنالعان ەلەۆاتور سالىنادى. جەتكىزۋ تۇراقتى بولادى، دەپ جازادى.

ەلەۆاتور «چەمەنابات» مال شارۋاشىلىعىنىڭ جەرىندە سالىنادى. جاقىن جەردە سومكەلەر شىعاراتىن شەبەرحانا پايدا بولادى. ولار جۇك تاسىمالداۋ ءۇشىن پايدالانىلادى.

تۇرىكمەنستان پرەزيدەنتى سەردار بەردىمۇحامەدوۆ نىسان قۇرىلىسى بويىنشا ۇسىنىستى زەردەلەۋدى تاپسىردى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار