اشىق اسپان استىنداعى الىپ وركەستر جۇزدەگەن قالا تۇرعىنىنىڭ الدىندا «تەپەڭكوك», «سالكۇرەڭ» سياقتى حالىق كۇيلەرىن, قۇرمانعازىنىڭ «بالبىراۋىن», نۇرحان احمەتبەكوۆتىڭ «جەڭىس» جانە نۇرعيسا تىلەنديەۆتىڭ «القيسسا» كۇيلەرىن ورىندادى.
جالپى, بۇعان دەيىن قازاقتىڭ قاسيەتتى قارا دومبىراسىن ناسيحاتتاپ, دارىپتەۋگە ارنالعان بۇقارالىق مادەني شارالار جىل سايىن امانگەلدى اۋدانىندا دا ءوتىپ تۇراتىن. الايدا ءداستۇرلى شارا پاندەمياعا بايلانىستى ءۇزىلىپ قالىپ ەدى, بيىل ارقالىقتا قايتا جانداندى.
– ۇلتتىق اسپابىمىز, ۇلتتىق ونەرىمىز ۇلىقتالعان ءىس-شارانىڭ ۇلاعاتى مول. وسى ءىس-شاراعا دايىندىق بارىسىندا 700 ادام قولىنا العاش رەت دومبىرا ۇستادى. ەڭ جاسى ۇلكەن دومبىراشى – 87 جاستا, ەڭ جاس ونەرپاز – 8 جاستا. ءبىر اۋلەتتەن 22 ادام ونەر كورسەتكەنى دە تاڭدانارلىق جاعداي. ارقالىقتاعى ايرىقشا ونەر مەرەكەسى جينالعان جۇرتشىلىققا رۋح بەرىپ, كوڭىلىن كوككە كوتەرىپ تاستادى! – دەيدى وبلىستىق مادەنيەت باسقارماسىنىڭ باسشىسى ەرلان قالماقوۆ.
قوستاناي وبلىسى
