تەننيس • 04 شىلدە، 2022

ۋيمبلدون ءتۋرنيرى: ەلەنا رىباكينا العاش رەت شيرەك فينالعا شىقتى

14 رەت كورسەتىلدى

قازاقستاننىڭ ءبىرىنشى، الەمنىڭ 23-راكەتكاسى ەلەنا رىباكينا العاش رەت ۋيمبلدون ءتۋرنيرىنىڭ شيرەك فينالىنا شىقتى، دەپ حابارلايدى Egemen.kz.

ۇلىبريتانيا اشىق چەمپيوناتىنىڭ 17-راكەتكاسى بولىپ تىركەلگەن ە.رىباكينا ءتورتىنشى اينالىمدا دۇنيەجۇزىلىك رەيتينگتە 80-ورىندا تۇرعان حورۆاتيالىق پەترا مارتيچپەن شەبەرلىك بايقاستى.

ءبىرىنشى پارتيا بارىسىندا پ.مارتيچ العا كەتكەنىمەن، ەلەنا ەسەسىن جىبەرمەدى. ەسەپ 5:5 بولعان مەزەتتە ءوز گەيمىن الىپ، سەتتى برەيكپەن ءتامامدادى – 7:5.

ەكىنشى پارتيادا ە.رىباكينا سول قارقىنىن باسەڭدەتكەن جوق – 6:3.

1 ساعات 22 مينۋتقا سوزىلعان باسەكە بارىسىندا قازاقستاندىق سپورتشى 6 ەيس جاساپ، 7 برەيك-پوينتتىڭ 4-ەۋىن پايدالانا ءبىلدى.

ە.رىباكينا جارتىلاي فينالعا شىعۋ ءۇشىن الەمنىڭ 37-راكەتكاسى، فرانتسيالىق اليزە كورنە نەمەسە رەيتينگتە 44-ساتىدا تۇرعان اۋستراليالىق ايلا ءتومليانوۆيچتىڭ بىرەۋىمەن تالاسادى. ا.كورنە مۇنىڭ الدىندا وسىعان دەيىن 37 ماتچ بويى جەڭىلمەگەن الەمنىڭ 1-راكەتكاسى، پولشا وكىلى يگا سۆەنتەكتى ۇتىپ كەتكەن بولاتىن – 6:4، 6:2.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار