سپورت • 04 شىلدە، 2022

ۆەلوشەرۋشىلەر ەلورداعا بەت الدى

376 رەت كورسەتىلدى

13 شىلدەدە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ قۇرىلعانىنا 30 جىل تولادى. وسىناۋ ايتۋلى مەرەكەگە وراي، ۇقك اۆياتسيالىق قىزمەت باسقارماسىنىڭ سالاۋاتتى ءومىر سالتىن ۇستاناتىن اسكەري قىزمەتشىلەرى الماتى – نۇر-سۇلتان باعىتى بويىنشا ۆەلوشەرۋ ۇيىمداستىردى، دەپ حابارلايدى Egemen.kz.

اتالعان مەرەكەلىك مارافونعا ۇقك اۆياتسيالىق باسقارماسىنىڭ پودپولكوۆنيك تالعات حاليتوۆ باستاعان بىرنەشە اسكەري قىزمەتشىسى قاتىسۋدا. ولاردىڭ قاتارىندا شەكاراشى وفيتسەر دە بار. ۆەلوشاباندوزدار ەلورداعا دەيىنگى 1200-دەن استام شاقىرىمدى باسىپ وتۋگە ءتيىس. مارافونشىلار الماتى، جامبىل، قاراعاندى جانە اقمولا وبلىستارىنىڭ ەلدى مەكەندەرىنەن وتەدى.

- ون ءبىر كۇنگە سوزىلاتىن ساپارىمىزدى جەڭىل دەپ ايتا المايمىن. دەگەنمەن، ءبىز الدان كەزدەسكەن كەز كەلگەن قيىندىقتى ەڭسەرەمىز دەپ ويلايمىز. ويتكەنى ەڭ الدىمەن ءبىز ەلىمىزدىڭ تىنىشتىعىنا جاۋاپ بەرەتىن ۇلتتىق قاۋىپسىزدىك كوميتەتىنىڭ 30 جىلدىق ءتول مەرەكەسىن ۇلىقتاۋدى ماقسات تۇتتىق. سونداي-اق ەلىمىزدىڭ ەرتەڭى سانالاتىن وسكەلەڭ ۇرپاقتى سالاۋاتتى ءومىر سالتىنا تاربيەلەۋدى ماقسات ەتىپ وتىرمىز، - دەدى توپ باسشىسى پودپولكوۆنيك ت.حاليتوۆ.ا

1-11 شىلدە ارالىعىندا وتەتىن ۆەلومارافونعا تالعات بولات ۇلىمەن بىرگە قاتىسۋعا تىلەك بىردىرگەن پودپولكوۆنيك داۋرەن بۇحاروۆ، كاپيتاندار داۋلەت مامبەتاليەۆ، قانات قايرات جانە ۇقك شەكارا قىزمەتىنىڭ الماتى وبلىسى بويىنشا دەپارتامەنتىنىڭ بولىمشە باستىعى مايور اباي ساپاروۆتار ماڭىزدى ساپارعا مۇقيات دايىندالىپتى.

ماڭىزدى ميسسيا ارقالاعان ۆەلوشاباندوزداردى الىس جولعا اتالعان باسقارما باسشىسى پولكوۆنيك ا.كۋزنەتسوۆ باستاعان جەكە قۇرام اق جول تىلەپ، شىعارىپ سالدى. بۇدان ءارى مارافونشىلار بورالداي-كومسومول ەلدى مەكەندەرىنىڭ اراسىنداعى 15 شاقىرىمدىق جەردى ۇقك اسكەري پوليتسياسى قىزمەتكەرلەرىمەن بىرگە باسىپ ءوتتى.

الدا سپورتشىلاردى جامبىل اۋدانىنىڭ قانشەڭگەل اۋىلىنا دەيىنگى 160 شاقىرىم كۇتىپ تۇر. مۇنان كەيىن اقسۇيەك، ۇلكەن، سارىشاعان، گۇلشات، بالقاش، اقشاتاۋ، اقسۋ-ايۋلى سەكىلدى ەلدى مەكەندەردەن وتكەن مارافونشىلار 9 شىلدە كۇنى كەشكى ساعات 19.00-دە قاراعاندى قالاسىنا جەتىپ توقتايدى. ءارى قاراي قاراعاندى مەن اقمولا وبلىستارىنىڭ شەكاراسىندا تۇرعان ۆيشنەۆكانى كەسىپ وتكەن سوڭ، ۇقك تۋىن جەلبىرەتىپ، نۇر-سۇلتان قالاسىنا جەتەدى. مۇندا اراسىندا ۇقك شەكارا قىزمەتىنىڭ وفيتسەرى بار اسكەري قىزمەتشىلەردى ەلوردانىڭ تورىندە وتەتىن مەرەكەلىك ءراسىم كۇتىپ تۇر.   

 

 

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار